Daily Mashriq Quetta Urdu news, Latest Videos Urdu News Pakistan updates, Urdu, blogs, weather Balochistan News, technology news, business news

جب تک میچ میں کامیابی نہ ملے مزہ نہیں آتا، محمد حفیظ

0

Get real time updates directly on you device, subscribe now.

انگلینڈ کے خلاف دوسرے ٹی20 میچ میں سب سے زیادہ 69 رنز بنانے والے آل راؤنڈر محمد حفیظ نے میچ نہ جیتنے پر افسوس کا اظہار کرتے ہوئے کہا ہے کہ جب تک میچ میں کامیابی نہ ملے مزہ نہیں آتا۔

میچ کے بعد اپنے ایک پیغام میں محمد حفیظ نے کہا کہ آپ وہ پرفارمنس دیں جس سے میچ جیتنا چاہیے، پچ کو دیکھتے ہوئے ہم نے 175 رنز بنانے کا سوچا تھا لیکن پھر بھی ہم نے 195 رنز بنائے، بہت زیادہ مایوسی ہے کہ ہم لوگ میچ نہیں جیت سکے۔

محمد حفیظ نے مزید کہا کہ ہم لوگ 2 ماہ سے انگلینڈ میں ہیں، تیاریاں بھی مکمل تھیں لیکن بدقسمتی سے ہم نہیں جیت سکے اور جب تک آپ نہ جیتیں تب تک مزہ نہیں آتا، اگلا میچ جیتنے کی کوشش کریں گے۔

واضح رہے کہ انگلینڈ نے پاکستان کو دوسرے ٹی20 انٹرنیشنل میں 5 وکٹ سے شکست دے کر تین میچوں کی سیریز میں ایک صفر کی برتری حاصل کرلی ہے۔ سیریز کا پہلا میچ بارش کے باعث مکمل نہیں ہوسکا تھا جبکہ تیسرا ٹی20 میچ یکم ستمبر کو کھیلا جائے گا۔

Leave A Reply

Your email address will not be published.