Daily Mashriq Quetta Urdu news, Latest Videos Urdu News Pakistan updates, Urdu, blogs, weather Balochistan News, technology news, business news

ڈی جی نیب نے ملک بھر میں دہشت پھیلا رکھی ہے، ڈپٹی چیئرمین سینیٹ

0

Get real time updates directly on you device, subscribe now.

 اسلام آباد: ڈپٹی چیئرمین سینیٹ سلیم مانڈوی والا کا کہنا ہے کہ ڈی جی نیب نے ملک بھر میں دہشت پھیلا رکھی ہے۔

اسلام آباد میں میڈیا سے بات کرتے ہوئے  ڈپٹی چیئرمین سینیٹ سلیم مانڈی والا کا کہنا تھا کہ چیئرمین نیب کو معلوم ہونا چاہیے کہ انکے لوگ کس طرح لوگوں کو کمروں میں بند کر کے ڈرا دھمکا رہے ہیں، ڈی جی نیب عرفان منگی نے ملک بھر میں دہشت پھیلا رکھی ہے، وہ کہتے ہیں کہ مجھے چیئرمین نیب بھی نہیں ہٹا سکتا، اگرڈی جی نیب چیئرمین سے بڑا طاقتور ہے تو یہ افسوسناک بات ہے، پھر ہمیں ڈی جی نیب کو ہٹانا پڑے گا اور ان کے خلاف قرار داد لانا پڑے گی۔

سلیم مانڈی والا کا کہنا تھا کہ نیب کیخلاف جدوجد جاری رہے گی، تمام ارکان ساتھ ہیں، سینیٹ کا اجلاس بلانے کے ریکوزیشن جمع کروا رہے ہیں،  چیئرمین نیب سے ملاقات ہوئی انہوں نے تحفظات دور کرنے کی یقین دہانی کرائی ہے، اور ہراساں کرنے والے افسران کیخلاف کارروائی کا بھی کہا ہے۔

واضح رہے کہ گزشتہ روز بھی ڈپٹی چیئرمین سینیٹ سلیم مانڈی والا نے الزامات عائد کرتے ہوئے کہا تھا کہ نیب ارکان پارلیمنٹ کو نوٹس جاری کرنے میں قانون کی خلاف ورزی کر رہا ہے، نیب کی کارروائیاں قابل تشویش ہیں۔ جس پر چیئرمین نیب جسٹس (ر) جاوید اقبال نے نوٹس لیتے ہوئے نیب راولپنڈی سےمتعلقہ کیس کا ریکارڈ فوری طلب کرلیا تھا اور کیس کا قانونی جائزہ لینے تک تاحکم ثانی مزید کارروائی روک دینے کا حکم دیا تھا۔

Leave A Reply

Your email address will not be published.