Daily Mashriq Quetta Urdu news, Latest Videos Urdu News Pakistan updates, Urdu, blogs, weather Balochistan News, technology news, business news

دنیا: کورونا وائرس سے اموات 42 لاکھ 17 ہزار 762 ہو گئیں

0

Get real time updates directly on you device, subscribe now.

دنیا کا کوئی خطہ کورونا وائرس کی موذی وباء سے محفوظ نہیں، اس کے مریضوں اور اس کے باعث اموات میں مسلسل اضافہ جاری ہے۔

دنیا بھر میں کورونا وائرس سے متاثرہ افراد کی تعداد 19 کروڑ 74 لاکھ 81 ہزار 362 تک جا پہنچی ہے جبکہ اس موذی وائرس سے اموات 42 لاکھ 17 ہزار 762 ہو گئیں۔

کورونا وائرس کے دنیا بھر میں 1 کروڑ 46 لاکھ 48 ہزار 973 مریض اسپتالوں، قرنطینہ مراکز میں زیرِ علاج اور گھروں میں آئسولیشن میں ہیں، جن میں سے 87 ہزار 209 کی حالت تشویش ناک ہے جبکہ 17 کروڑ 86 لاکھ 14 ہزار 627 کورونا مریض صحت یاب ہو چکے ہیں۔

کورونا وائرس کے کیسز اور اس سے اموات کے اعتبار سے 10 سرِ فہرست ممالک میں 33 کروڑ سے زائد آبادی کا حامل امریکا تا حال پہلے نمبر پر ہے جہاں اس وائرس سے اب تک 6 لاکھ 28 ہزار 492 افراد موت کے منہ میں پہنچ چکے ہیں جبکہ اس سے بیمار ہونے والوں کی مجموعی تعداد 3 کروڑ 55 لاکھ 84 ہزار 272 ہو چکی ہے۔

1 ارب سے زائد آبادی والا ملک بھارت کورونا وائرس کے مریضوں کی تعداد کے حوالے سے دوسرے نمبر پر ہے، جہاں اس وائرس سے 4 لاکھ 23 ہزار 244 ہلاکتیں ہو چکی ہیں جبکہ اس سے متاثرہ 3 کروڑ 15 لاکھ 72 ہزار 344 مریض سامنے آ چکے ہیں۔

کورونا وائرس کے مریضوں کی تعداد کے حوالے سے ممالک کی اس فہرست میں برازیل تیسرے نمبر پر ہے تاہم یہ اموات کے حوالے سے فہرست میں دوسرے نمبر پر ہے، جہاں اس جان لیوا وائرس سے 5 لاکھ 54 ہزار 626 ہلاکتیں ہو چکی ہیں جبکہ اس کے متاثرہ مریضوں کی تعداد 1 کروڑ 98 لاکھ 39 ہزار 369 ہو گئی۔

کورونا وائرس سے روس میں کل اموات 1 لاکھ 57 ہزار 771 ہو گئیں جبکہ اس کے مریضوں کی تعداد 62 لاکھ 42 ہزار 66 ہو چکی ہے۔

Leave A Reply

Your email address will not be published.