Daily Mashriq Quetta Urdu news, Latest Videos Urdu News Pakistan updates, Urdu, blogs, weather Balochistan News, technology news, business news

مسجد نبوی ﷺ میں نعرے بازی، عمران خان کے قریبی دوست صاحبزادہ جہانگیر کا موقف آگیا

0

Get real time updates directly on you device, subscribe now.

لاہور : پاکستان تحریک انصاف (پی ٹی آئی) کے چیئرمین اور سابق وزیراعظم عمران خان کے قریبی دوست صاحبزادہ جہانگیر بھی مسجد نبویﷺ میں نعرے بازی کرتے رہے۔ جن کا موقف بھی سامنے آگیا ہے۔

خیال رہے کہ گزشتہ روز مسجد نبوی ﷺ میں افسوسناک واقعہ پیش آیا تھا، سابق معاون خصوصی صاحبزادہ جہانگیر عرف چیکو بھی نعرے بازی کرنے والوں میں شامل تھے، ویڈیوز میں صاحبزادہ جہانگیر کو دیکھا جا سکتا ہے۔

صاحبزادہ جہانگیر سابق وزیراعظم عمران خان کے قریبی دوست بتائے جاتے ہیں۔

اس سارے واقعے کے بعد صاحبزادہ جہانگیر نے سماجی رابطے کی ویب سائٹ ٹوئٹر پر پیغام جاری کرتے ہوئے اپنا موقف دیا اور کہا کہ جس وقت ہم مدینہ میں موجود تھے کہ ایک دم شور ہوا، میں نے اور نہ ہی انیل مسرت نے اس کام کیلئے کوئی فنڈنگ کی، ہمارے گرفتار ہونے کا شور مچایا گیا، ہمیں نہ گرفتار کیا گیا نہ ہی پولیس نے پوچھ گچھ کی۔

انہوں نے کہا کہ میں یہ واضح کرنا چاہتا ہوں کہ نہ انیل مسرت نے اس کی فنڈنگ کی نہ میں نے کوئی آرگنائزنگ کی ہے، خدا کے واسطے سیاست میں اللہ رسول کو بیچ میں نہ لائیں، ہم عبادت کرنے گئے تھے، ہم دو دن پہلے آئے تھے، ہم نے عمرہ کیا، میں اور انیل مسرت پھر مدینہ شریف آئے، ہم ایک رات یہاں قیام کرنا چاہتے تھے، جب ہم مدینہ شریف میں بیٹھے ہوئے تھے، نماز پڑھ رہے تھے، روزہ کھلنے کا وقت تھا تو وہاں پر بگٹی صاحب اور مریم اورنگزیب داخل ہوئیں اور جب یہ داخل ہوئیں تو میں نے دیکھا کہ پیچھے سے بڑا شور مچ رہا ہے، انیل مسرت نماز پڑھ رہے تھے، میں نے اٹھ کر دیکھا پیچھے کی طرف تو وہاں پر ایک شور مچ رہا تھا پاکستانی وہاں پر جمع تھے۔

انہوں نے کہا کہ وہ لوگ جنہوں نے شور مچایا وہ اپنے ذمہ دار خود ہیں کہ وہاں پر شور کیوں مچا۔

Get real time updates directly on you device, subscribe now.

You might also like
Leave A Reply

Your email address will not be published.