Daily Mashriq Quetta Urdu news, Latest Videos Urdu News Pakistan updates, Urdu, blogs, weather Balochistan News, technology news, business news

ناؤمی اوساکا نسلی ناانصافی کیخلاف احتجاجاً امریکن ٹینس ایونٹ سے دستبردار

0

Get real time updates directly on you device, subscribe now.

دو مرتبہ کی گرینڈ سلیم چیمپئن ناؤمی اوسکا نسلی ناانصافی کے خلاف احتجاجاً امریکن ٹینس ایونٹ سے دستبردار ہوگئیں۔ اوساکا نے ویسٹرن اینڈ سدرن ایونٹ کے سیمی فائنل میں جگہ بنائی تھی۔

امریکہ میں جاری ٹینس ایونٹ کے کوارٹر فائنل میں جاپان کی سیاہ فام ٹینس پلئیر ناؤمی اوساکا نے انیٹ کونٹاویٹ کو 6-4، 2-6 اور 5-7 سے ہراکر سیمی فائنل میں جگہ بنائی تھی جہاں ان کا مقابلہ بیلجیئم کی الیزے مارٹن سے ہونا تھا۔

وسکونسن میں جیکب بلیک نامی ایک سیاہ فام شخص کی پولیس فائرنگ سے ہلاکت کے بعد جہاں نیشنل باسکٹ بال ایسوسی ایشن اور میجر لیگ بیس بال میں کھلاڑیوں نے احتجاج میں حصہ لیا، جاپان کی 22 سالہ سیاہ فام کھلاڑی ناؤمی اوساکا نے بھی احتجاج کرتے ہوئے ایونٹ سے دستبرداری کا اعلان کردیا۔

اپنے بیان میں ان کا کہنا تھا کہ ایک ایتھلیٹ سے پہلے میں ایک سیاہ فام خاتون ہوں اور ایک سیاہ فام کی حیثیت سے مجھے ایسا محسوس ہوتا ہے کہ ابھی بہت سے اہم معاملات ہیں جن پر مجھے ٹینس کھیلتے ہوئے دیکھنے کے بجائے فوری توجہ کی ضرورت ہے۔

Leave A Reply

Your email address will not be published.