Daily Mashriq Quetta Urdu news, Latest Videos Urdu News Pakistan updates, Urdu, blogs, weather Balochistan News, technology news, business news

انگلش ٹیم کی کوچنگ سنبھالنے پر اظہر محمود کو غداری کے طعنے ملنے لگے

0

Get real time updates directly on you device, subscribe now.

معروف آل راؤنڈر اور قومی ٹیم کے سابق بولنگ کوچ پاکستان ہی کیخلاف ٹی ٹوئنٹی سیریز کیلیے حریف انگلش ٹیم کے باؤلنگ کے شعبے میں معاون اسٹاف شامل کیے گئے ہیں جس پر انہیں غدار ہونے کا طعنہ دیا جا رہا ہے۔

آل راؤنڈر اظہر محمود قومی کرکٹ ٹیم کی نمائندگی کرنے کے علاوہ پاکستانی ٹیم میں باؤلنگ کوچ کی حیثیت سے بھی ذمہ داریاں نبھا چکے ہیں، حال ہی میں اظہر محمود نے انکشاف کیا کہ وہ حریف انگلش ٹیم کے باؤلرز کی تربیت کریں گے جس کے لیے انہیں انگلش ٹیم میں معاون اسٹاف کے طور پر ذمہ داریاں تفویض کی گئی ہیں۔

ایک انٹرویو میں اظہر محمود نے شکوہ کیا کہ انگلش ٹیم کی کوچنگ کی ذمہ داریاں سنبھالنے پر پاکستانی شائقین مجھے غدار کہہ رہے ہیں اور اپنے غصے کا اظہار کر رہے ہیں۔

اظہر محمود نے وضاحت کرتے ہوئے کہا کہ یہ بات درست ہے کہ میں پاکستان کے ڈریسنگ روم اور کھلاڑیوں کے بارے میں اندر کی معلومات رکھتا ہوں لیکن یہ بھی حقیقت ہے کہ آج کل ہر پلیئر کے بارے میں جاننے کے لیے ٹیکنالوجی بھی میسر ہے اور اینالسٹ بہت کچھ بتا سکتا ہے۔

اظہر محمود نے مزید کہا کہ بہرحال ایک پروفیشنل کے طور پر انگلش ٹیم کو گرین شرٹس کے بارے میں معلومات فراہم کرنے کی کوشش کروں گا، امید ہے کہ یہ ان کے لیے کارآمد ثابت ہوں گے۔

Leave A Reply

Your email address will not be published.