Daily Mashriq Quetta Urdu news, Latest Videos Urdu News Pakistan updates, Urdu, blogs, weather Balochistan News, technology news, business news

ایف بی آر نے ایک ارب 40 کروڑ روپے کی منی لانڈرنگ پکڑ لی

0

Get real time updates directly on you device, subscribe now.

اسلام آباد:  فیڈرل بورڈ آف ریونیو (ایف بی آر) نے ایک ارب 40 کروڑ روپے کی منی لانڈرنگ پکڑ لی۔

ایف بی آر کی طرف سے جاری کردہ اعلامیہ کے مطابق ڈائریکٹوریٹ جنرل انٹیلیجنس اینڈ انوسٹی گیشن اسلام آباد نے کارروائی کی۔ مشکوک شخص مختلف کاروباری ناموں سے خدمات فراہم کر رہا تھا۔

اعلامیہ کے مطابق مشکوک شخص 1 ارب 10کروڑ روپے کی بینک ٹرانزیکشنز اور آمدن ذرائع کے بارے میں تسلی بخش جواب نہیں دے سکا۔ مشکوک شخص کے ایک اور ساتھی کے 32 کروڑ روپے سے زائد کی مشکوک بینک ٹرانزیکشن کا پتہ چلا ہے۔

اعلامیہ میں مزید بتایا گیا ہے کہ دونوں افراد ملکر کام کر رہے تھے اور انکے 50 سے زیادہ ملکی و غیر ملکی بینک اکاؤنٹس موجود ہیں، جن میں 1 ارب 40 کروڑ روپے کی مشکوک بینک ٹرانزیکشنز ہوئی ہیں۔

اعلامیہ کے مطابق دونوں افراد کے خلاف اینٹی منی لانڈرنگ ایکٹ 2010 کے سیکشن 8 کے تحت شکایت درج کر دی گئی ہے، ایک اور کاروائی میں پشاورمیں ایک چھاپے میں جعلی اور نان ڈیوٹی پیڈ سگریٹ کے 80 کارٹن پکڑ لیئے گئے۔

Leave A Reply

Your email address will not be published.