Daily Mashriq Quetta Urdu news, Latest Videos Urdu News Pakistan updates, Urdu, blogs, weather Balochistan News, technology news, business news

حکومتی رکاوٹوں کے باوجود پی ڈی ایم کا جلسہ قلعہ کہنہ قاسم باغ میں ہی ہو گا: یوسف گیلانی

0

Get real time updates directly on you device, subscribe now.

سابق وزیراعظم یوسف رضا گیلانی نے کہا ہے کہ حکومت کی رکاوٹوں کے باوجود پی ڈی ایم کا جلسہ ہرصورت قلعہ کہنہ قاسم باغ میں ہی ہو گا جس میں آصفہ بھٹو زرادری اور مریم نواز شریف خطاب کریں گی۔

ملتان میں اپنی رہائش گاہ پر میڈیا سے گفتگو کرتے ہوئے یوسف رضا گیلانی کا کہنا تھا کہ کورونا کے حوالے سے حکومت دُہرے معیار کا شکار ہوچکی ہے، اسی لیے جماعت اسلامی کو جلسوں کی اجازت ہے لیکن پی ڈی ایم کیخلاف مقدمات درج کرائے جا رہے ہیں اور ایسا امریت کے دور میں بھی نہیں ہوا، اسی لیے کارکنان منظم ہیں اور جس کی وجہ سے قلعہ کہنہ قاسم باغ کا جلسہ ہر صورت کامیاب ہو گا۔

انہوں نے وزیر اعظم عمران خان کو تنقید کا نشانہ بناتے ہوئے کہا کہ حکومت نے جلسے کے سلسلے میں کنٹینرز پہنچانے کا وعدہ پورا کر دیا جس کی وجہ سے جلسہ گاہ کی تما م شاہراہیں بند ہو چکی ہیں اور باقی کھانا پہنچانے کا بھی وعدہ پورا کریں تاکہ اپوزیشن کو امریت کے دور کی یاد تازہ ہو سکے۔

انہوں نے مطالبہ کیا کہ حکومت فوری طور پر کارکنا ن کی پکڑ دھکڑ کا سلسلہ بند کرے اور گرفتار کارکنان کو بھی فوری رہا کرے۔

Leave A Reply

Your email address will not be published.