Daily Mashriq Quetta Urdu news, Latest Videos Urdu News Pakistan updates, Urdu, blogs, weather Balochistan News, technology news, business news

ملا عمر کے بیٹے وزیر دفاع ملا یعقوب کی تصویر پہلی بار منظرعام پر

0

کابل: طالبان کے بانی ملا عمر کے صاحبزادے اور امارت اسلامیہ افغانستان کے وزیر دفاع ملا یعقوب پہلی بار ایک تقریب میں منظر عام پر آگئے اس سے قبل ان کی تصویر بھی دستیاب نہیں تھی۔

ترجمان طالبان ڈاکٹر محمد نعیم کے مطابق کابل میں شہید سردار داؤد اسپتال کی افتتاحی تقریب اس وقت پُرجوش نعروں سے گونج اُٹھی جب وہاں ملا عمر کے بیٹے ملا یعقوب پہنچے۔

طالبان کے بانی ملا عمر کے بیٹے ملا یعقوب ہی وہ شخصیت ہیں جنھوں نے امریکی فوج کے انخلا کے اعلان کے بعد سے افغانستان میں طالبان کی عسکری کامیابیوں کی قیادت کی تھی اور کابل کو فتح کیا تھا۔

اسپتال کی افتتاحی تقریب میں میڈیا بھی موجود تھا جنھوں نے اس موقع کو غنیمت جانتے ہوئے ملا یعقوب کی تصاویر کھینچی جس پر صحافیوں کو روکا بھی نہیں گیا اور اس طرح ملا یعقوب کی پہلی تصویر منظر عام پر آگئی۔

واضح رہے کہ افغانستان میں طالبان کے اقتدار سنبھالنے کے بعد ملا یعقوب اپنے اہل خانہ اور سیکیورٹی گارڈ کے ہمراہ قندھار سے کابل منتقل ہوگئے تھے۔

You might also like
Leave A Reply

Your email address will not be published.