Daily Mashriq Quetta Urdu news, Latest Videos Urdu News Pakistan updates, Urdu, blogs, weather Balochistan News, technology news, business news

پاکستان میں کووڈ کیسز مئی کے بعد بلند ترین سطح پر پہنچ گئے

0

Get real time updates directly on you device, subscribe now.

جہاں پاکستان وبائی مرض کی چوتھی لہر سے لڑ رہا ہے وہیں گزشتہ 24 گھنٹوں کے دوران کورونا وائرس کے 3 ہزار 752 کیسز رپورٹ ہوئے ہیں اور قومی سطح پر مثبت کیسز کی شرح 7.51 فیصد تک پہنچ گئی۔

نیشنل کمانڈ اینڈ آپریشن سینٹر (این سی او سی) کے مطابق 21 مئی کو رپورٹ ہونے والے 4 ہزار 7 کیسز کے بعد سے اب تک رپورٹ ہونے والے کیسز کی یہ سب سے زیادہ تعداد ہیں جبکہ ایک روز قبل 2 ہزار 819 کیسز رپورٹ ہوئے تھے۔

دریں اثنا ملک میں مثبت کیسز کی شرح 19 مئی کے 8.23 فیصد کے بعد سب سے زیادہ ریکارڈ کی گئی ہے۔

گزشتہ 24 گھنٹوں کے دوران 49 ہزار 947 ٹیسٹ کیے گئے اور 32 اموات رپورٹ ہوئیں۔

ملک میں وائرس کے کیسز کی مجموعی تعداد بڑھ کر 10 لاکھ 8 ہزار 446 ہوگئی ہے اور وائرس سے اموات کی تعداد 23 ہزار 48 ہے۔

بڑے شہروں میں مثبت کیسز کی شرح

کراچی: 24.82 فیصد

مظفرآباد: 19.76 فیصد

راولپنڈی: 18.59 فیصد

اسکردو: 14.66 فیصد

پشاور: 12.41 فیصد

اسلام آباد: 10.95 فیصد

این سی او سی کے ڈیٹا سے یہ بھی معلوم ہوتا ہے کہ اسلام آباد میں 38 فیصد وینٹیلیٹر زیر استعمال ہیں، اس کے بعد لاہور میں 20 فیصد، پشاور میں 17 فیصد اور ملتان میں 15 فیصد ہیں۔

دریں اثنا گلگت میں 51 فیصد آکسیجن بیڈ، کراچی میں 47 فیصد، مظفر آباد میں 30 فیصد اور راولپنڈی میں 24 فیصد زیر استعمال ہیں۔

صدر مملکت کی پاکستانیوں سے سنجیدہ ہونے کی اپیل

کیسز میں اچانک اضافے پر خطرے کی گھنٹی بجاتے ہوئے صدر مملکت ڈاکٹر عارف علوی نے شہریوں کو ’سنجیدہ ہونے‘ پر زور دیا ہے۔

 

انہوں نے کہا کہ ’عید کے بعد کیسز میں تیزی آگئی ہے، میں اس کی توقع کر رہا تھا اور اس کے بارے میں خبردار کررہا تھا کیونکہ میں نے گلیوں، بازاروں، شادی ہالز اور مساجد میں لوگوں کو غفلت برتتے ہوئے دیکھا ہے‘۔

Leave A Reply

Your email address will not be published.