Daily Mashriq Quetta Urdu news, Latest Videos Urdu News Pakistan updates, Urdu, blogs, weather Balochistan News, technology news, business news

مردوں کو اپنی بہن ، بیٹی ، بیوی اور ماؤں کے بغیر باہر نکلنے کی اجازت نہ دی جائے ، بختاور بھٹو

0

Get real time updates directly on you device, subscribe now.

کراچی  :  سابق وزیرِاعظم شہید محترمہ بے نظیر بھٹو اور سابق صدر آصف زرداری کی بڑی صاحبزادی بختاور بھٹو زرداری نے خواتین کے تحفظ کے لیے عوامی مقامات پر مردوں کی پابندی کے بعد ایک اور مطالبہ کردیا۔سوشل میڈیا پر جاری کیے گئے بیان میں بختاور بھٹو زرداری نے کہا کہ ’میں اب بھی عوامی مقامات پر مردوں کی پابندی کے مطالبے پر کھڑی ہوں۔‘بختاور بھٹو نے کہا کہ ’مردوں کو اُن کی بہنوں، ماؤں، بیویوں یا بیٹیوں کے بغیر باہر جانے کی اجازت نہیں ہونی چاہیے۔‘

اُنہوں نے کہا کہ ’اگر ایسا ہوگا تو شاید پھر وہ خواتین پر حملہ کرنے سے پہلے دو بار سوچیں گے۔‘بختاور بھٹو زرداری نے مزید کہا کہ ’خواتین پر حملے کے بار بار اور بڑھتے ہوئے واقعات پر قابو پانے کے لیے اس سے بہتر کوئی دوسرا آپشن نہیں ہے۔‘اس سے قبل بختاور بھٹو زرداری نے اپنے ایک بیان میں مطالبہ کیا تھا کہ ’عوامی مقامات پر مردوں پر پابندی عائد کی جائے۔‘

بختاور بھٹو زرداری نے کہا تھا کہ ’ہمیں خواتین کی حفاظت کے لیے مزید خواتین کی ضرورت ہے۔‘واضح رہے کہ لاہور کے گریٹر اقبال پارک میں یومِ آزادی کے موقع پر خاتون ٹک ٹاکر سے دست درازی کا خوفناک واقعہ 3 روز بعد سوشل میڈیا کے ذریعے سامنے آیا۔
اوباش نوجوانوں نے ٹک ٹاکر عائشہ اکرم اور اس کے ساتھیوں کو تشدد کا نشانہ بنایا اور کپڑے پھاڑ دیے جبکہ پولیس واقعہ سے بے خبر رہی۔

Leave A Reply

Your email address will not be published.