Daily Mashriq Quetta Urdu news, Latest Videos Urdu News Pakistan updates, Urdu, blogs, weather Balochistan News, technology news, business news

کوئٹہ دھماکا: وزیراعظم کی وزارت داخلہ کو معاملے کی ہر پہلو سے تفتیش کی ہدایت

0

Get real time updates directly on you device, subscribe now.

اسلام آباد : وزیراعظم نے کوئٹہ دھماکے کی شدید مذمت کرتے ہوئے وزارت داخلہ کو معاملے کی ہر پہلو سے تفتیش اور تہہ تک پہنچنے کی ہدایت کر دی۔ ترجمان وزیراعظم آفس کے مطابق عمران خان رات گئے تک معاملات کی خود نگرانی کرتے رہے۔

کوئٹہ میں جناح روڈ پر ہوٹل کی پارکنگ میں دھماکے سے پولیس اہلکار سمیت 5 افراد جاں بحق جبکہ 11 زخمی ہوئے، جنہیں ہسپتال منتقل کر دیا گیا، جن میں سے 6 کی حالت تشویشناک ہے۔ زخمیوں میں اسسٹنٹ کمشنر اور اسسٹنٹ ریونیو بھی شامل ہیں۔

دھماکے کے بعد بم ڈسپوزل کی ٹیم موقع پر پہنچی اور شواہد اکٹھے کرلیے۔ حکام کے مطابق دھماکے میں 40 سے 50 کلو مواد استعمال کیا گیا جو گاڑی میں نصب کیا گیا تھا۔

وزیر داخلہ بلوچستان ضیا لانگو کا کہنا ہے کہ دشمنوں کی ہمیشہ کوشش رہی ہے کہ بدامنی پھیلائی جائے، ماضی میں بھی ایسے واقعات میں بھارت کے براہ راست ملوث ہونے کے ثبوت ملتے رہے ہیں۔ ڈی آئی جی اظہر اکرم نے کہا کہ ملزمان کو جلد کٹہرے میں لائیں گے۔

علاوہ ازیں ترجمان بلوچستان حکومت لیاقت شاہوانی نے کہا کہ دھماکا دہشت گرد حملہ ہے جس کی تمام پہلوؤں سے تحقیقات کی جا رہی ہیں۔ گورنر بلوچستان امان اﷲ خان یاسین زئی، وفاقی وزیر داخلہ شیخ رشید، بلاو ل بھٹو، مریم نواز، صوبائی وزیر داخلہ ضیا اﷲ لانگو، صوبائی سیکرٹری اطلاعات بشریٰ رند سمیت دیگر اہم شخصیات نے واقعہ کی شدید الفاظ میں مذمت کی ہے۔

Leave A Reply

Your email address will not be published.