Daily Mashriq Quetta Urdu news, Latest Videos Urdu News Pakistan updates, Urdu, blogs, weather Balochistan News, technology news, business news

میکسیکو میں مظاہرین نے دارالحکومت کی سڑکوں پر خیمے لگا لئے، صدر سے استعفے کا مطالبہ

0

Get real time updates directly on you device, subscribe now.

میکسیکو سٹی:   میکسیکو میں مظاہرین نے دارالحکومت کی سڑکوں پر خیمے لگا لیے، لوگ صدر کے استعفے کا مطالبہ کرتے رہے۔

میکسیکو میں احتجاج میں شریک افراد نے صدر کو ملک میں بڑھتی ہوئی معاشی گراوٹ اور کورونا وائرس کی وبا کو روکنے کے لیے کئے گئے ناکافی اقدامات کو ذمہ دار ٹھہرایا۔ حکومت مخالف مظاہرے میں سیکڑوں افراد سڑک پر ہی خیمے لگا کر بیٹھ گئے جس سے ٹریفک کی روانی میں خلل پڑ گیا۔

میکسیکو میں چند روز قبل خواتین کے مظٓاہرے بھی بڑے پیمانے پر جاری رہے، 8 ریاستوں تک پھیلے ان مظاہروں میں خواتین صنفی تشدد اور کورونا کے خلاف ناکافی اقدامات کے خلاف احتجاج میں شریک ہوئیں۔ ریاست چہواہوا میں خواتین مظاہرین بیریئر توڑتی ہوئی اس پلازے میں داخل ہو گئیں جس میں گورنر جیویئر کورال ایک میٹنگ میں مصروف تھے۔

واضح رہے کہ کورونا وائرس سے میکسیکو میں اب تک 73 ہزار سے زائد افراد ہلاک ہو چکے ہیں۔ اتنی زیادہ تعداد میں ہلاکتوں اور ناکافی سہولیات نے عوام کو مشتعل کر دیا ہے۔

Leave A Reply

Your email address will not be published.