اسلام آباد : کورونا وائرس سے 36 افراد جاں بحق ہوگئے، جس کے بعد اموات کی تعداد 12 ہزار 563 ہوگئی۔ پاکستان میں کورونا کے تصدیق شدہ کیسز کی تعداد 5 لاکھ 69 ہزار 846 ہوگئی۔
نیشنل کمانڈ اینڈ آپریشن سینٹر کے تازہ ترین اعدادوشمار کے مطابق گذشتہ 24 گھنٹوں کے دوران ایک ہزار 340 نئے کیسز رپورٹ ہوئے، پنجاب میں ایک لاکھ 66 ہزار 777، سندھ میں 2 لاکھ 55 ہزار 430، خیبر پختونخوا میں 70 ہزار 716، بلوچستان میں 18 ہزار 972، گلگت بلتستان میں 4 ہزار 951، اسلام آباد میں 43 ہزار 282 جبکہ آزاد کشمیر میں 9 ہزار 718 کیسز رپورٹ ہوئے۔