Daily Mashriq Quetta Urdu news, Latest Videos Urdu News Pakistan updates, Urdu, blogs, weather Balochistan News, technology news, business news

مانی کے 9ماہ کے اختیاراتی اخراجات کی تفصیل جاری

0

Get real time updates directly on you device, subscribe now.

لاہور( سپورٹس ڈیسک ) چیئرمین پاکستان کرکٹ بورڈ احسان مانی کے مالی سال کے 9 ماہ کے اختیاراتی اخراجات کی تفصیلات پی سی بی کی ویب سائٹ پر جاری کردی گئی ہیں۔ انہوں نے مالی سال کے 9 ماہ میں 85 لاکھ 92 ہزار 718 روپے خرچ کئے ۔اس طرح احسان مانی نے اوسط ایک ماہ میں 9 لاکھ 54 ہزار روپے خرچ کئے ۔ رہائش کی مد میں 33 لاکھ 63 ہزار روپے سے زائد خرچ کئے گئے ، سکیورٹی گارڈ اور ملازمین کی مد میں 5 لاکھ 24 ہزار روپے خرچ ہوئے ۔ علاج معالجہ کے لیے احسان مانی نے 81 ہزار 8 سو روپے خرچ کئے گاڑی اور ڈرائیور کی مد میں 8 لاکھ 38 ہزار روپے ، غیرملکی دوروں پر 16 لاکھ 17 ہزار 533 روپے سے زائد، اندرون ملک سفر پر 15 لاکھ 99 ہزار روپے خرچ کئے ۔ اسی طرح بزنس انٹرٹینمنٹ کی مد میں 2 لاکھ 63 ہزار روپے سے زائد کی رقم خرچ کی گئی۔رواں مالی سال میں گورننگ بورڈ کے اجلاس پر اب تک 10 لاکھ 57 ہزار روپے سے زائد کی رقم خرچ ہوچکی ہے ۔

Leave A Reply

Your email address will not be published.