Daily Mashriq Quetta Urdu news, Latest Videos Urdu News Pakistan updates, Urdu, blogs, weather Balochistan News, technology news, business news

مشہور سمپسن کارٹون اور وائرل گرل دنانیرمبین کی مقبولیت میں حیرت انگیز مماثلت

0

Get real time updates directly on you device, subscribe now.

مستقبل کی پیشگوئیوں کے حوالے سے مشہور امریکی اینیمیٹڈ کارٹون سمپسن اور حال ہی میں ’پارٹی ویڈیو‘ سے مشہور ہونے والی پاکستانی لڑکی دنانیر مبین میں حیرت انگیزمماثلت موجود ہے۔

پاکستانی سوشل میڈیا انفلوئنسر دنانیرمبین کی چند روز قبل وائرل ہونے والی محض 5 سیکنڈ کی ویڈیو نے انہیں راتوں رات مشہور کردیا ہے۔ حالانکہ دنانیر نے ویڈیو میں سوائے اس ایک جملے ’’یہ ہماری کار ہے، یہ ہم ہیں اور یہ ہماری پارٹی ہورہی ہے‘‘ کے اور کچھ نہیں کہا ہے۔

لیکن لوگوں کو دنانیر کا یہ انداز اتنا بھایا کہ اس پر لوگوں نے سینکڑوں ویڈیوز بناڈالیں۔ دنانیر کی شہرت پاکستان سے نکل کر بھارت تک جاپہنچی۔ یہاں تک کہ دنانیر کے سوشل میڈیا فالوورز میں محض چند دنوں میں لاکھوں کا اضافہ ہوگیا۔

دنا نیر مبین کی یہ صورتحال برسوں پہلے دکھائے گئے امریکی اینیمیٹڈ کارٹون کے کردار بارٹ سمپسن سے بہت زیادہ ملتی ہے۔ سمپسن کارٹون دنیا بھر میں مستقبل کی پیشگوئیوں کے حوالے سے مشہور ہیں۔ ان کارٹونز میں برسوں پہلے دنیا کے کچھ اہم واقعات دکھائے گئے ہیں جو مستقبل میں بالکل ہوبہو سچ ثابت ہوئے۔

’’دی سمپسن‘‘ کارٹون کے 1993 میں ریلیز ہوئے سیزن 5 کی قسط نمبر 14 میں دکھایا گیا ہے کہ سمپسن کے ایک کردار ’’بارٹ سمپسن‘‘ سے غلطی سے اسٹیج ٹوٹ جاتا ہے جس پر وہ وہاں موجود لوگوں سے صرف اتنا کہتا ہے’’آئی ڈڈنٹ ڈو اٹ‘‘ اور اس کا یہ انداز لوگوں کو اتنا پسند آجاتا ہے کہ لوگ اس کی نقل اتارنے لگتے ہیں اور دیکھتے ہی دیکھتے وہ لڑکا بے حد مشہور ہوجاتا ہے۔ لوگ اس کے کہے گئے جملے ’’آئی ڈڈنٹ ڈو اٹ‘‘ پر گانے بناتے ہیں اسے مختلف شوز میں مدعو کیا جاتا ہے۔ یہاں تک کہ لوگ بارٹ کی صرف ایک جھلک دیکھنے کے لیے گھنٹوں لائن میں کھڑے رہتے ہیں۔

Leave A Reply

Your email address will not be published.