Daily Mashriq Quetta Urdu news, Latest Videos Urdu News Pakistan updates, Urdu, blogs, weather Balochistan News, technology news, business news

وفاقی وزیر داخلہ کی 5807 افراد کو بلیک لسٹ سے نکالنے کی ہدایت

0

Get real time updates directly on you device, subscribe now.

وفاقی وزیر داخلہ بریگیڈیئر ریٹائرڈ اعجاز احمد شاہ نے طویل سے بلیک لسٹ میں موجود 5 ہزار سے زائد شہریوں کے نام فہرست سے نکالنے کی ہدایت کردی۔

وزارت داخلہ کی جانب سے جاری بیان کے مطابق بلیک لسٹ میں شامل ناموں کے حوالے سے جائزہ کمیٹی کا اجلاس تقریباً چار سال کے وقفے کے بعد 8 اکتوبر 2020 کو ہوا۔

کمیٹی نے متعلقہ ایجنسیوں اور محکموں کی سفارشات کے مطابق اپنے جائزے میں ان افراد کے متعلق غور کیا۔

وزیر داخلہ نے طویل عرصے سے بلیک لسٹ میں شامل پاکستانی شہریوں کی پریشانیوں کا سخت نوٹس لیتے ہوئے ڈائریکٹر جنرل امیگریشن اینڈ پاسپورٹ کو ہدایت کی کہ فوری طور پر جائزہ کمیٹی فیصلے کے مطابق کیٹگری ’بی‘ کے تحت 5 ہزار 807 بلیک لسٹ ہونے والے شہریوں کو فہرست سے نکال دیا جائے۔

فیصلہ تمام متعلقہ تحقیقاتی ایجنسیوں اور محکموں کے ساتھ مشاورت سے کیا گیا ہے، ان افراد کو مختلف وجوہات کی بنیاد پر بلیک لسٹ کیا گیا تھا جبکہ لسٹ میں 42 ہزار 725 افراد شامل تھے۔

اعجاز شاہ کی ہدایت کے مطابق کمیٹی کے اجلاسوں کے بعد سرکاری ایجنسیوں اور محکموں کے ساتھ تفصیلی مشاورت کے بعد بلیک لسٹ فہرست افراد کے معاملات کا جائزہ لینے کے لیے دو سالانہ اجلاسوں کا انعقاد کیا جائے گا۔

بیان میں کہا گیا کہ وفاقی وزیر داخلہ نے پہلے ہی ڈائریکٹوریٹ جنرل پاسپورٹ اینڈ امیگریشن کو ہدایت کی ہے کہ وہ پاکستانی شہریوں کی سہولت کے لیے تمام وسائل بروئے کار لائیں کیونکہ یہ پوری دنیا میں ہمارے انسانی وسائل کو قابل استعمال ترسیلات وطن واپس بھیجنے کا ذریعہ ہیں۔

Leave A Reply

Your email address will not be published.