Daily Mashriq Quetta Urdu news, Latest Videos Urdu News Pakistan updates, Urdu, blogs, weather Balochistan News, technology news, business news

اقوام متحدہ کا وینز ویلا کی حکومت پر ’سنگین جرائم‘ کا الزام

0

Get real time updates directly on you device, subscribe now.

اقوام متحدہ (یو این) نے وینز ویلا کی حکومت پر انسانیت کے خلاف ہونے والے جرائم کے مترادف ’سنگین جرائم‘ کا الزام عائد کردیا۔

بی بی سی کی رپورٹ کے مطابق یو این کے تفتیش کاروں نے کہا کہ وینزویلا کی حکومت نے ایسے سنگین جرائم کیے ہیں جو انسانیت کے خلاف ہونے والے جرائم کی طرح ہیں۔

خیال رہے کہ اقوام متحدہ کی انسانی حقوق کونسل نے وینزویلا میں ہونے والے قتل، تشدد اور گمشدگیوں کے کیسز کی تحقیقات کی ہے۔

اقوام متحدہ کی ٹیم نے کہا کہ وینز ویلا کے صدر نکولس مدورو اور دیگر اعلیٰ عہدیدار جرائم میں ملوث ہیں۔

دوسری جانب وینزویلا میں اقوام متحدہ کے سفیر نے مذکورہ کونسل کے مشن کو ’معاندانہ اقدام‘ قرار دیا ہے۔

سفیر جارج ویلارو نے گزشتہ برس کہا تھا کہ اقوام متحدہ کی کارروائی امریکا کی زیرقیادت مہم کا ایک حصہ ہے اور اقوام متحدہ کی ٹیم کو ملک میں داخلے سے روک دیا گیا تھا۔

خیال رہے کہ وینزویلا شدید معاشی اور سیاسی بحران کا شکار ہے جہاں حالیہ چند برس میں لاکھوں افراد نقل مکانی کر چکے ہیں۔

اقوام متحدہ کے مشن نے اپنی کی رپورٹ میں کہا کہ وینزویلا کی سیکیورٹی ادارے 2014 سے باقاعدہ طور پر منظم انداز میں تشدد میں مصروف ہیں جس کا مقصد سیاسی مخالفین کو دبانے اور آبادی کو دہشت زدہ کرنا ہے۔

Leave A Reply

Your email address will not be published.