Daily Mashriq Quetta Urdu news, Latest Videos Urdu News Pakistan updates, Urdu, blogs, weather Balochistan News, technology news, business news

وزیر خارجہ سے فلسطینی سفیر کی ملاقات،غزہ کی بگڑتی صورتحال پر بات چیت

0

Get real time updates directly on you device, subscribe now.

اسلام آباد  : وزیر خارجہ شاہ محمود قریشی سے فلسطینی سفیر احمد جواد امین نے ملاقات کی، دونوں رہنماؤں نے فلسطین میں امن و امان کی بگڑتی ہوئی صورتحال پر تبادلہ خیال کیا۔

شاہ محمود قریشی نے معصوم فلسطینیوں کی شہادتوں پر فلسطینی سفیر سے تعزیت کا اظہار کیا۔ اس موقع پر وزیر خارجہ کا کہنا تھا کہ نہتے فلسطینیوں پر اسرائیلی جارحیت کی شدید مذمت کرتے ہیں، اسرائیلی بربریت رکوانے کیلئے اہم مسلم ممالک اور عالمی برادری سے رابطے جاری ہیں، وزیراعظم نے فلسطینی صدر محمود عباس اور میں نے فلسطینی ہم منصب سے رابطہ کیا، وزیراعظم اور میں نے حق خود ارادیت کی جدوجہد میں پاکستان کی مکمل حمایت کا یقین دلایا۔

فلسطینی سفیر نے مشکل گھڑی میں پاکستان کی بھرپور حمایت اور اظہار یکجہتی پر وزیر خارجہ شاہ محمود قریشی کا شکریہ کیا۔ فلسطینی سفیر نے فلسطین میں جاری جارحیت کے خاتمے کیلئے وزیراعظم عمران خان کی کاوشوں کی تعریف کی۔ احمد جواد امین نے کشیدگی میں کمی کیلئے عمران خان اور شاہ محمود قریشی کی سفارتی کاوشوں کو سراہا۔

Leave A Reply

Your email address will not be published.