Daily Mashriq Quetta Urdu news, Latest Videos Urdu News Pakistan updates, Urdu, blogs, weather Balochistan News, technology news, business news

 قوم کو بیروزگار کرنے والوں کا اب خود بیروزگار ہونے کا وقت قریب ہے: حافظ حسین احمد

0

Get real time updates directly on you device, subscribe now.

 

کوئٹہ(آئی این پی) جمعیت علماءاسلام کے مرکزی ترجمان حافظ حسین احمد نے کہا ہے کہ قوم کو بیروزگار کرنے والوں کا اب خود بیروزگار ہونے کاوقت قریب ہے، شیخ رشید نے ٹھیک کہا ہے کہ وہ جھاڑو پھیریں گے ظاہر ہے کہ جب بے روزگار ہونگے تو جھاڑو ہی پھیریں گے، عمران نیازی اس لیے مرغی ، انڈوں اور بھنگ کی کاشت کے طریقے تلاش کررہے ہیں کیوںکہ وہ کوئی نہ کوئی روزگار تو کریںگے۔ جمعرات کے روز ذرائع ابلاغ کے نمائندوں سے گفتگو کرتے ہوئے انہوں نے کہا کہ زلزلے کے بعد آفٹر شاکس آتے ہیں لیکن یہاں تو ہمارا جلسہ ابھی ہوا نہیں اور حکومت پہلے ہی بی فور شاکس محسوس کررہی ہے،پکڑ دھکڑ شروع ہوچکی ہے، غداری کے مقدمات درج کئے جارہے ہیں اور نامعلوم افراد کی طرف سے ایف آئی آر درج کرائی جارہی ہے، انہوں نے کہا کہ مہنگائی نے عوام کا جینا محال کردیا ہے نااہل حکمران مہنگائی کا ملبہ پچھلی حکومتوں پر ڈال رہے ہیں لیکن دو سالوں کے دوران مہنگائی کا جو طوفان آیا ہے اس میں غریب عوام خشک روٹی کے لیے ترس رہے ہیں ادویات کی قیمتوں میں ہوشربا اضافے کے باعث لوگ علاج سے محروم ہوچکے ہیں لوگ اب اپوزیشن جماعتوں کی طرف دیکھ رہے ہیں اگر اپوزیشن جماعتوں نے کچھ نہیں کیا تو عوام ان کو پکڑیں گے، جے یو آئی کے ترجمان نے کہا کہ احتساب سب کا ہونا چاہئے پھر وہ اپوزیشن ہو حکومت ہو یا وردی والے سب کے لیے انصاف کا پیمانہ ایک ہونا چاہئے لیکن یہاں انصاف کے پیمانے الگ ہیں، جب بات حکومت پر آتی ہے تو سپریم کورٹ کے اسٹے آرڈر کے آڑ میںچھپنے کی کوشش کی جاتی ہے، فارن فنڈنگ کیس، بی آر ٹی پر کیوں اسٹے آرڈر لیا گیا ہے قوم کو کیوں نہیں بتایا جاتا کہ فارن فنڈنگ کیس میں کیا ہے اور بی آر ٹی میں کتنی کرپشن ہوئی ہے ان کا ڈپٹی اسپیکر قومی اسمبلی 52 ہزار جعلی ووٹ لیکر اسٹے آرڈر پر موجود ہے۔

Leave A Reply

Your email address will not be published.