Daily Mashriq Quetta Urdu news, Latest Videos Urdu News Pakistan updates, Urdu, blogs, weather Balochistan News, technology news, business news

حلال سیکٹر کو صنعت کا درجہ دینے پر غور کر رہے ہیں: حماد اظہر

0

Get real time updates directly on you device, subscribe now.

فاقی وزیرِ صنعت و پیداوار حماد اظہر کہتے ہیں کہ ہم حلال سیکٹر کو صنعت کا درجہ دینے پر غور کر رہے ہیں، حکومت کی کوشش ہے کہ ٹیکس گزاروں کی تعداد بڑھا ئی جائے۔

لاہور میں میڈیا سے گفتگو کرتے ہوئے فاقی وزیرِ صنعت و پیداوار حماد اظہر کا کہنا ہے کہ پاکستان میں بدقسمتی سے ٹیکس دینے کا کلچر نہیں ہے، مراعات سب چاہتے ہیں مگر ٹیکس کوئی نہیں دیتا، ہم نے کووڈ کے باوجود اہم اچھے فیصلے کیئے ہیں، ہم اب بھی کوشش کر رہے ہیں کہ کم سے کم کاروبار متاثر ہو۔

انہوں نے کہا کہ ہم تمام ایکسپورٹ پروسیسنگ زونز فعال بنا رہے ہیں،کورونا وائرس کی وجہ سے دنیا بھر میں معیشت سکڑ رہی ہے، بھارت میں معیشت کا سائز 15 فیصد تک کم ہونے کا امکان ہے، پاکستان میں صنعتوں کی وجہ سے معیشت بہتر ہو رہی ہے، پاکستان میں سیمنٹ، یوریا کھاد کی ریکارڈ پیداوار ہو رہی ہے۔

حماد اظہر نے کہا کہ آٹو موبائل کی پیداوار 23 فیصد زیادہ ہو رہی ہے، پاکستان اسٹاک ایکسچینج ایشیاء کی نمبر ون مارکیٹ قرار دی جا رہی ہے، عالمی ریٹنگ ایجنسیز نے پاکستان کی ریٹنگ بہتر کی، ایف اے ٹی ایف کے معاملات پر قانون سازی کی، صوبائی حکومتوں کے ساتھ مل کر ایکسپورٹس پراسیسنگ زون قائم کر رہے ہیں۔

وفاقی وزیر کا یہ بھی کہنا ہے کہ 5 زیرو ریٹڈ سیکٹر ختم کر دئیے گئے ہیں، اب یہ رعایت براہِ راست ایکسپورٹس کو دیں گے، ایس ایم ایز سیکٹر پر دہائیوں سے کوئی اتفاقِ رائے موجود نہیں، ایس ایم ایز کے لیے آسان شرائط پر سہولتیں دینا ترجیح ہے۔

Leave A Reply

Your email address will not be published.