Daily Mashriq Quetta Urdu news, Latest Videos Urdu News Pakistan updates, Urdu, blogs, weather Balochistan News, technology news, business news

کورونا ویکسین: راز چرانے کے لیے ہیکرز کا حملہ

0

Get real time updates directly on you device, subscribe now.

اسلام آباد  : ہیکرز کے تین مختلف گروپس نے کورونا ویکسین کی تیاری کے راز چرانے کی کوشش کی ہے۔ یہ دعویٰ مائیکروسافٹ کی جانب سے کیا گیا ہے۔

برطانیہ کے مؤقر جریدے نے اس ضمن میں مائیکرو سافٹ کے حوالے سے بتایا ہے کہ امریکی کمپنی کا کہنا ہے کہ جن ہیکرز گروپس نے عالمی وبا قرار دیے جانے والے کورونا وائرس سے بچاؤ کی تیارکردہ ویکسین کے راز چرانے کی کوشش کی ان میں سے ایک کا تعلق روس سے تھا جب کہ دو گروپس شمالی کوریا سے تعلق رکھتے ہیں۔

برطانوی جریدے کے مطابق مائیکرو سافٹ کا کہنا ہے کہ اس نے ہیکرز کی جانب سے کی جانے والی کوشش کو شناخت کیا جو ادویات تیار کرنے والی کمپنیوں سے ویکسین کا ڈیٹا چرانے کی کوشش کررہا تھا۔

امریکی کمپنی نے دعویٰ کیا ہے کہ ہیکرز نے اسی طرح ان ماہرین کے ڈیٹا تک بھی رسائی حاصل کرنے کی کوشش کی جو ویکسین کی تیاری میں مصروف رہے ہیں۔

برطانوی جریدے کے مطابق ہیکرز گوکہ اپنی کوشش میں کامیاب نہیں ہوئے ہیں لیکن اس بات کا اشارہ مل گیا ہے کہ تمام ڈیٹا کی حفاظت کو یقینی بنانا کس قدر ضروری ہے؟

مائیکرو سافٹ کے مطابق ہیکرز نے اپنی کوشش کے دوران ایک ادویہ ساز ادارے کو نشانہ بنایا، ایک کلینیکل ریسرچر فرم کے ڈیٹا تک رسائی حاصل کرنے کی کوشش کی اور پھر ایک کوشش اس فرم تک کی گئی جس نے کورونا ویکسین کا ٹیسٹ کیا۔

Leave A Reply

Your email address will not be published.