Daily Mashriq Quetta Urdu news, Latest Videos Urdu News Pakistan updates, Urdu, blogs, weather Balochistan News, technology news, business news

دنیا بھر کے 5 کروڑ افراد جدید غلامی کی زندگی گزارنے پر مجبور

0

انٹرنیشنل لیبر آرگنائزیشن (آئی ایل او) کی رپورٹ کے مطابق 2021 میں 5 کروڑ لوگ جدید غلامی کی زندگی گزار رہے تھے، ان میں سے 2 کروڑ 80 لاکھ جبری مزدور اور 2 کروڑ 20 لاکھ جبری شادیوں میں پھنسے ہوئے تھے۔

آئی ایل او کی پیر کو شائع ہونے والی رپورٹ ‘گلوبل اسٹیمیٹس آف ماڈرن سلیوری’ میں مزید بتایا گیا کہ گزشتہ 5 برسوں میں جدید غلامی میں مبتلا افراد کی تعداد میں نمایاں اضافہ ہوا۔

رپورٹ کے مطابق 2016 کے عالمی تخمینے کے مقابلے میں جدید غلامی کی زندگی گزارنے والوں میں 2021 میں ایک کروڑ مزید لوگوں کا اضافہ ہوا ہے، خواتین اور بچے غیر متناسب طور پر زیادہ غیر محفوظ ہیں۔

آئی ایل او نے رپورٹ میں بتایا گیا کہ دنیا کا کوئی بھی خطہ جبری مشقت سے محفوظ نہیں، ایشیا اور پیسیفک میں آدھے سے زیادہ یعنی ایک کروڑ 51 لاکھ افراد، اس کے بعد یورپ اور وسطی ایشیا میں 41 لاکھ، افریقہ میں 38 لاکھ، امریکا میں 36 لاکھ اور عرب ریاستوں میں 9 لاکھ افراد جبری مزدور ہیں۔

You might also like
Leave A Reply

Your email address will not be published.