Daily Mashriq Quetta Urdu news, Latest Videos Urdu News Pakistan updates, Urdu, blogs, weather Balochistan News, technology news, business news

پاکستانی آم کیلئے چینی مارکیٹ میں جگہ بنانے کا بہترین موقع

0

Get real time updates directly on you device, subscribe now.

اسلام آباد  : پاکستانی آم کیلئے چینی مارکیٹ میں جگہ بنانے کیلئے آئندہ ماہ مئی بہترین وقت ہے ،پاکستانی آم مئی سے ستمبر تک طویل عرصہ تک رہتاہے ۔

چینی مارکیٹ میں اپریل کے آخر سے جون کے آغاز تک آم کی سپلائی نسبتا کم رہتی ہے ، چائنا  اکنامک نیٹ کے مطابق یونان اکیڈمی آف ایگریکلچرل سائنسز ٹراپیکل اینڈ سب ٹراپیکل اکنامک کراپس ریسرچ انسٹی ٹیوٹ کے آم کے ماہر نی چا نگ گوآنگ نے کہا کہ اگر پاکستان کے آم برآمد کنندگان نے اس مدت کو سمجھا تو بڑا منافع کماسکتے ہیں ، نی چا نگ گوآنگ اور ان کی ٹیم کی کوششوں کے بعدآم کی قیمت 0.3 آر ایم بی فی کلو سے بڑھ کر 6 آر ایم بی کلو ہوگئی اور فی ایم یو کی پیداوار 600 کلوگرام سے بڑھ کر ایک ہزار کلوگرام ہوگئی۔پاکستان کے آم کی صلاحیت بہت زیادہ ہے ، پاکستان قدرتی وسائل سے مالا مال ہے اور آم کے پودے لگانے کیلئے موسم بہترین ہے ۔

انہوں نے مزید کہا کہ پاکستان کی آم کی متعدد اقسام کو چین کیساتھ ملا کر کاشت کیا جائے اور کیڑوں پر قابو پانے والی ٹیکنالوجی کا استعمال ہو تو یہ یقینی ہے کہ مشترکہ طور پر ایک اعلیٰ درجے کی آم کی پیداوار ممکن ہو گی ۔

Leave A Reply

Your email address will not be published.