Daily Mashriq Quetta Urdu news, Latest Videos Urdu News Pakistan updates, Urdu, blogs, weather Balochistan News, technology news, business news

کشمیر کی صورتحال بین الاقوامی امن وسلامتی کیلئے خطرہ ہے: منیر اکرم

0

Get real time updates directly on you device, subscribe now.

نیویارک  : اقوام متحدہ میں پاکستان کے مستقل نمائندے منیر اکرم نے کہا ہے کہ کشمیر میں پاکستان اور بھارت کے مابین صورتحال بین الاقوامی امن و سلامتی کے لئے خطرہ ہے۔

سرکاری میڈیا اے پی پی اردو کے مطابق امریکا کے آرمی وار کالج کے زیر اہتمام آن لائن سیمینار سے خطاب کرتے ہوئے انہوں نے کہا کہ کشمیر اس وقت مرکز نگاہ بنا جب بھارت نے 2019ء میں اس کی خصوصی حیثیت ختم کی اور مقبوضہ علاقے کو دوحصوں میں تقسیم کر دیا۔

منیر اکرم کا کہنا تھا کہ اس کے نتیجے میں پاکستان نے ان غیر قانونی اقدامات کے خلاف آواز اٹھائی۔ بھارت کی طرف سے بڑی تعداد میں کنٹرول لائن پر جنگ بندی معاہدے کی خلاف ورزیوں کے بعد توپیں خاموش ہو گئی ہیں اور امید ہے کہ وہ خاموش ہی رہیں گی۔

انہوں نے کہا کہ اقوام متحدہ میں موجود کئی تازہ امور میں پاکستان کے مفادات ہیں۔ ا پاکستان نے امریکا اور طالبان کے درمیان سمجھوتے کیلئے سہولت کاری کی تاکہ افغانستان سے باضابطہ اور ذمہ دارانہ انداز سے انخلاء ہو سکے اور افغان فریقوں کے درمیان مذاکرات کے نتیجے میں سیاسی اتفاق رائے ہو سکے۔

ان کا کہنا تھا کہ پاکستان میں دہشت گردی کے خلاف جنگ کے نتیجے میں 80 ہزار جانوں کا نقصان ہوا۔

 

Leave A Reply

Your email address will not be published.