Daily Mashriq Quetta Urdu news, Latest Videos Urdu News Pakistan updates, Urdu, blogs, weather Balochistan News, technology news, business news

پاکستان اس وقت تاریخ کے بدترین معاشی بحران کا شکار ہے ،مالک بلوچ

0

Get real time updates directly on you device, subscribe now.

تربت( این این آئی) نیشنل پارٹی کے مرکزی صدر سابق وزیر اعلی بلوچستان ڈاکٹر عبدالمالک بلوچ نے بلیدہ زامران اور کوشقلات میں نیشنل پارٹی کے تحصیل کمیٹی اور کارکنوں سے خطاب کرتے ہوئے کہا کہ پاکستان اس وقت تاریخ کے بدترین معاشی بحران کا شکار ہے ملکی معیشت تباہ و برباد ہوچکا ہے مہنگائی کے طوفان نے عوام کا جینا حرام کردیا ہے لوگ دو وقت کی روٹی کو ترس رہے ہیں گیس و بجلی ،آٹا چینی اور ضروریات زندگی آسمان تک پہنچ گئے ہیں حکمران جھوٹ پر جھوٹ بولے جارہے ہیں۔ اجلاس سے جان محمد بلیدی، مرکزی کمیٹی کے رکن واجہ ابوالحسن بلوچ ، سینیٹر کہدا اکرم دشتی ، ضلعی صدر محمد جان دشتی ، ضلعی نائب صدر مشکور انور، سابق صدر نیشنل پارٹی کیچ محمد طاہر بلوچ ، ڈاکٹر نور بلوچ ، نثار احمدبزنجو ، فضل کریم، طارق بابل، ملا برکت، غلام قادر بلیدی، حلیم بلیدی ،ماسٹر عظیم اور دیگر نے بھی خطاب کیا۔انہوں نے کہا کہ حکمرانوں کی غلط پالیسیوں کے پیش نظر امن و امان کی صورتحال روز بہ روز خراب تر ہوتا جارہا ہے سیکیورٹی کے نام پر کاروباری افراد کو تنگ کیا جارہا ہے سیکیورٹی فورسز کے افسران عوام اور کاروباری افراد سے ملاقات کے بجائے وزرا کے بلائے گئے جرگوں میں شامل ہوکر وزرا کے خوش آمدیوں میں مصروف ہیں انہوں نے کہا کہ یہ کیسا فیصلہ ہے کہ عبدوی بارڈر سے داخل ہونے والے ٹرانسپورٹ کو جاکر مند اور اسپی کہن میں حاضری لگانا ضروری ہے انہوں نے کہا کہ یہ فیصلہ وزرا کا ضرور ہوسکتا ہے عبدوی اور جالگی چیک پوسٹوں کے باد ٹرانسپورٹ کو آزاد چھوڑا جائے جہاں وہ جانا چاہتے ہیں ان پر کسی قسم کی پابندی نہیں ہونی چاہیے۔ مرکزی رہنماو¿ں نے کہاکہ سلیکٹیڈ عوام کے نمائندے نہیں ہیں زبردستی عوام پر مسلط کردہ ہیں جن کو عوام کے مشکلات و مسائل سے کوئی دلچسپی نہیں وہ جی حضوری کے لیے سلیکٹ کئے گے ہیں جن کا چہرہ اب عوام کے سامنے بے نقاب ہوچکا ہے انھوں نے بلیدہ و زامران کے رہنماوں سے کہاکہ جن افراد کو پارٹی نکال دیا گیا تھا اب دوبارہ ان کی پارٹی میں گنجائش نہیں ہے آنے والے انتخابات میں بلیدہ زامران اور ہوشاپ و کولواہ سے بھرپور حصہ لیا جائے گا کارکن علاقے میں پارٹی کو فعال و متحرک کرنے میں اپنا کردار ادا کریں۔

Leave A Reply

Your email address will not be published.