Daily Mashriq Quetta Urdu news, Latest Videos Urdu News Pakistan updates, Urdu, blogs, weather Balochistan News, technology news, business news

ایان مکھرجی کو ذہین کہنے والوں کو جیل بھیجنا چاہئے، کنگنا رناوت

0

کنگنا رناوت کا کہنا ہے کہ ایان مکھرجی کو ذہین کہنے والے ہر شخص کو جیل بھیجنا چاہئے۔

بالی ووڈ اداکارہ کنگنا رناوت نے حال ہی میں ریلیز ہونے والی عالیہ بھٹ اور رنبیر کپور کی فلم پر تبصرہ کرتے ہوئے کہا کہ فلم بنانے والوں نے 600 کروڑ روپے جلاکر راکھ کردیے۔

کنگنا رناوت نے فلم ریلیز ہونے کے چند گھنٹے بعد ہی انسٹاگرام پر اپنی اسٹوری پوسٹ کی۔

برہمسترا کے پروڈیوسر کرن جوہر اور ہدایت کار ایان مکھرجی پر تنقید کرتے ہوئے کنگنا کا کہنا تھا کہ ہر کوئی جس نے ایان مکھرجی کو ذہین کہا اسے فوراً جیل جانا چاہیے۔

کنگنا نے کہا ایان مکھرجی کو یہ فلم بنانے میں 12 سال لگے جس کیلئے انہوں نے 400 سے زیادہ دنوں تک شوٹنگ کی، 14 ڈی او پیز (ڈائریکٹرز آف فوٹوگرافی) اور 85 اسسٹنٹ ڈائریکٹرز کو تبدیل کیا۔

کنگنا نے کہا ایان مکھر جی نے باہوبلی کی کامیابی کی وجہ سے آخری لمحات میں فلم کا نام جلال الدین رومی سے بدل کر شیوا کرکے مذہبی جذبات کا استحصال کیا ایسے موقع پرست اور لالچی لوگوں کو ذہین کہنا انتہائی غلط اور رات کو دن اور دن کو رات کہنے جیسا ہے۔

کنگنا رناوت نے کرن جوہر کے بارے میں لکھا کہ وہ اپنی فلموں کے اسکرپٹ سے زیادہ ہر کسی کی جنسی زندگی میں زیادہ دلچسپی رکھتے ہیں۔

واضح رہے کہ عالیہ بھٹ اور رنبیر کپور کی فلم برہمسترا کو ملے جلے ردعمل کا سامنا ہے تاہم کنگنا رناوت پہلے ہی بڑے بجٹ کی اس فلم کو آفت قرار دے چکی ہیں۔

You might also like
Leave A Reply

Your email address will not be published.