Daily Mashriq Quetta Urdu news, Latest Videos Urdu News Pakistan updates, Urdu, blogs, weather Balochistan News, technology news, business news

بولان: ایک خاندان کے 7 افراد برساتی ریلے میں بہہ گئے

0

Get real time updates directly on you device, subscribe now.

بلوچستان کے ضلع بولان میں ایک ہی خاندان کے 7 افراد برساتی ریلے میں بہہ گئے۔

ریسکیو حکام کے مطابق 2 افراد کی لاشیں مل گئیں ہیں جبکہ 5 کی تلاش جاری ہے۔

دوسری جانب بلوچستان کےمختلف علاقوں میں حالیہ بارشوں اور سیلابی ر یلو ں سے متاثرہ علاقوں میں بحالی اور امداد کا کام جاری ہے، بی بی نانی کے مقام پر پل کی مرمت کر کے گاڑیوں کی جزوی آمدو ورفت بحال کر دی گئی ہے۔ تاہم سوئی گیس پائپ لائن کی مرمت کا کام تاحال شروع نہ ہو سکا۔

بلوچستان میں حالیہ بارشوں اور سیلاب سے کچے مکانات، کھڑی فصلیں،قومی شاہراہ اور سوئی گیس پائپ لائن متاثر ہوئے ہیں۔

کوئٹہ سے سبی تک بی بی نانی، کرتہ، پنجرہ پل، گوکرت سمیت مختلف مقامات پر تو قومی شاہراہ کا نام ہی نہیں ہے۔ سیلاب سے بولان ضلع میں قومی شاہراہ متعدد مقامات پر بری طرح متاثر ہو ئی ہے۔جبکہ سیکڑوں کچے مکانات یا تو منہدم ہوگئے ہیں یا پھرانہیں جزعی نقصان پہنچا ہے۔

مقامی آبا دی سمیت مسافروں کی بڑی تعداد اس صورتحال سے متاثر ہوئی ہے اور انھیں مشکلات کا سامنا ہے۔

بارشوں اور سیلابی ریلوں کے باعث سبی شاہراہ آٹھ مقامات پر متا ثر ہوئی حکام کا کہنا ہے کہ کوئٹہ۔سبی شاہراہ پر بحالی اور مرمت کا کام ہنگامی بنیادوں پر جاری ہے۔

قومی شاہراہ پر پانچ سو میٹر پر بحالی کا کام مکمل کرلیا گیا ہے، جس کے بعد ہلکی ٹریفک جزوی طور پر بحال کردی گئی ہے۔ تاہم سیلابی ریلے سے متاثرہ دو گیس پائپ لائنوں کی مرمت کا کام تین روز بعد بھی شروع نہیں ہوسکا۔

Leave A Reply

Your email address will not be published.