Daily Mashriq Quetta Urdu news, Latest Videos Urdu News Pakistan updates, Urdu, blogs, weather Balochistan News, technology news, business news

وزیراعظم سعودیہ پہنچ گئے، جدہ ائیرپورٹ پر سعودی ولی عہد نے پرتپاک استقبال کیا

0

Get real time updates directly on you device, subscribe now.

جدہ  : وزیراعظم عمران خان تین روزہ دورے پر سعودی عرب پہنچ گئے۔ جدہ ائیرپورٹ پر سعودی ولی عہد محمد بن سلیمان اور وزرا نے پرتپاک استقبال کیا۔

وزیراعظم عمران خان کو شاہی دیوان لے جایا گیا جہاں سعودی ولی عہد کے مابین ون آن ون ملاقات ہوئی، جہاں پاکستان اور سعودی عرب کے درمیان 5 معاہدوں اور 3 مفاہمتی یادداشتوں پر دستخط ہوئے، جس میں سعودی عرب پاکستان سپریم کوآرڈی نیشن کونسل کے قیام سے متعلق معاہدہ ہوا۔

سزا یافتہ مجرموں کے تبادلے سے متعلق معاہدے پر دستخط کئے گئے، جرائم کے خلاف دونوں ممالک میں تعاون، ماحولیات کے شعبے میں تعاون کے حوالے سے معاہدہ طے پایا، توانائی منصوبوں کے حوالے سے فریم ورک اور دونوں ممالک کے درمیان انسداد منشیات سے متعلق مفاہمتی یادداشت پر بھی دستخط ہوئے۔

وزیر اعظم عمران خان کے اعزاز میں محمد بن سلمان کی جانب سے عشائیہ دیا گیا، وزیراعظم کل عمرہ کی ادائیگی اور روضہ رسول ؐ پر حاضری بھی دیں گے۔

Leave A Reply

Your email address will not be published.