Daily Mashriq Quetta Urdu news, Latest Videos Urdu News Pakistan updates, Urdu, blogs, weather Balochistan News, technology news, business news

دوسرا ٹیسٹ پہلا دن؛ پاکستان نے 4 وکٹ کے نقصان پر 268 رنز بنالیے

0

Get real time updates directly on you device, subscribe now.

دوسرے ٹیسٹ میں قومی ٹیم کی زمبابوے کے خلاف ٹاس جیت کر بیٹنگ جاری ہے۔

پاکستان اور زمبابوے کے درمیان کھیلی جارہی 2 ٹیسٹ میچوں کی سیریز کے دوسرے میچ میں قومی ٹیم کی ٹاس جیت کر بیٹنگ جاری ہے۔ پہلے دن کے اختتام پر قومی ٹیم نے 4 وکٹ کے نقصان پر 268 رنز بنالیے ہیں۔ عابد علی 118 اور ساجد خان ایک رنز کے ساتھ ناٹ آؤٹ ہیں۔

پاکستان کی جانب سے اننگز کا آغاز عمران بٹ اور عابد علی نے کیا، عمران بٹ صرف 2 رنز کے مہمان ثابت ہوئے جس کے بعد عابد علی نے اظہر علی کے ساتھ ملکر 236 رنز کی شراکت قائم کی۔ اس دوران دونوں بلے بازوں نے اپنی سنچریاں مکمل کیں۔

اظہر علی 126 رنز کی اننگز کھیلنے کے بعد مزاربانی کا شکار بنے جب کہ پہلے میچ میں صفر پر آؤٹ ہونے والے بابراعظم اس اننگز میں بھی صرف 2 رنز ہی بناسکے۔ پچھلے میچ کے سنچری میکر فواد عالم کی اننگز بھی 5 رنز تک محدود رہی۔

زمبابوے کے خلاف دوسرے ٹیسٹ میچ کے لیے قومی ٹیم میں ایک تبدیلی کی گئی ہے، فہیم اشرف کی جگہ تابش خان کو شامل کیا گیا ہے جب کہ 36 سالہ فاسٹ بولر تابش خان پہلا ٹیسٹ کھیلیں گے۔

Leave A Reply

Your email address will not be published.