Daily Mashriq Quetta Urdu news, Latest Videos Urdu News Pakistan updates, Urdu, blogs, weather Balochistan News, technology news, business news

اسکائپ کے اینڈرائیڈ صارفین کے لیے بہترین فیچر متعارف

0

Get real time updates directly on you device, subscribe now.

مائیکروسافٹ نے اپنی ویڈیو کالنگ سروس اسکائپ میں بظاہر معمولی مگر اہم فیچر کو متعارف کرادیا ہے۔

اسکائہ کے اینڈرائیڈ صارفین اب ویڈیو کال کے دوران اپنے پس منظر کو دھندلا کرسکیں گے۔

گزشتہ دنوں مائیکرو سافٹ کی جانب سے اپ ڈیٹ کرتے ہوئے اسکائپ کے اینڈرائیڈ صارفین کے لیے پس منظر دھندلا کرنے کی سپورٹ کا اضافہ کیا۔

یہ اپ ڈیٹ اینڈرائیڈ مارش میلو (6.0) اور اس سے اوپر کے آپریٹنگ سسٹمز والے فونز استعمال کرنے والے صارفین کو دستیاب ہوگی۔

یہ فیچر آئی او ایس صارفین کو 2 سال سے دستیاب تھا اور اب جاکر اینڈرائیڈ ڈیوائسز کے لیے اسے پیش کیا گیا ہے۔

درحقیقت ونڈوز، میک او ایس اور لیونکس آپریٹنگ سسٹمز پر بھی یہ فیچر صارفین کو دستیاب ہے۔

پس منظر کو دھندلا کرنے سے صرف صارف کا چہرہ ہی نظر آئے گا جبکہ پیچھے موجود ہر چیز دھندلی ہوجائے گی، اس مقصد کے لیے کمپنی نے مشین لرننگ اور ایج ڈیٹکشن ٹیکنالوجی کو استعمال کیا ہے۔

اس فیچر کو ان ایبل کرنا بھی آسان ہے، اسکائپ میں کال کے دوران تھری ڈاٹ مینیو پر جائیں اور وہاں ‘Blur my background’ پر کلک کردیں۔

یہ فیچر نہ صرف ساکت بلکہ حرکت کرتی اشیا اور لوگوں کو بھی دھندلا کردے گا اور صرف چہرہ ہی صاف نظر آئے گا۔

اسکائپ میں ایک اور فیچر ری ایکشنز کا اضافہ بھی اس اپ ڈیٹ میں کیا گیا ہے۔

کمپنی کے مطابق جب آپ کو ایک انسٹنٹ میسج موصول ہوگا تو اس کے آگے ایک مسکراتا چہرہ نظر آتا ہے اور اس پر کلک کرکے مختلف ایمی ری ایکشنز استعمال کیے جاسکیں گے۔

Leave A Reply

Your email address will not be published.