Daily Mashriq Quetta Urdu news, Latest Videos Urdu News Pakistan updates, Urdu, blogs, weather Balochistan News, technology news, business news

شاہینوں کو خراج تحسین پیش کرنے کے لیے قوم آج یوم فضائیہ منا رہی ہے

0

Get real time updates directly on you device, subscribe now.

لاہور :  جھپٹنا پلٹنا پلٹ کر جھپٹنا پاک فضائیہ کا طرہ امتیاز، 1965 کی جنگ میں پاکستان ایئر فورس نے دشمن کو ناکوں چنے چبوائے۔ وطن عزیز کے جانباز شاہینوں کو خراج تحسین پیش کرنے کے لیے قوم آج یوم فضائیہ منا رہی ہے۔

جنگ کے آغاز سے پہلے شاید کسی کو یہ گمان بھی نہیں ہوگا کہ پاک فضائیہ کے شاہین عددی اعتبار سے اپنے سے کہیں بڑے دشمن پر ایسا قہر بن کر ٹوٹیں گے کہ دنیا دنگ رہ جائے گی۔ آج سے 56 سال پہلے یہ آج ہی کا دن تھا جب صرف دو دنوں کے اندر دشمن کے 56 طیاروں کی تباہی نے اُس کی فضائیہ کی کمر توڑ دی تھی۔

وہ بھی آج کا ہی دن تھا جب سرگودھا کی فضاؤں میں ایم ایم عالم نے ایک منٹ میں دشمن کے 5 طیارے گرا کر پاک فضائیہ کی تربیت اور جوش جنون کی مثال بن گئے تھے۔ ایم ایم عالم، سیسل چوہدری، سرفراز رفیقی اور ایسے ہی دوسرے شاہینوں نے آنے والے فضائیہ کے جوانوں کے لیے ایک معیار بھی طے کر دیا تھا۔

آج یومِ فضائیہ مناتے ہوئے پوری قوم اپنے شہید اور غازی شاہینوں کو سلام پیش کرتی ہے۔

Leave A Reply

Your email address will not be published.