Daily Mashriq Quetta Urdu news, Latest Videos Urdu News Pakistan updates, Urdu, blogs, weather Balochistan News, technology news, business news

چیئرمین جوائنٹ چیفس آف اسٹاف کمیٹی کی چین کے وزیر دفاع سے ملاقات

0

Get real time updates directly on you device, subscribe now.

ماسکو: چیئرمین جوائنٹ چیفس آف اسٹاف کمیٹی جنرل ندیم رضا نے چین کے وزیر دفاع سے دو طرفہ تعلقات اور سیکیورٹی امور پر تبادلہ خیال کیا ہے۔

 

ہم نیوز نے پاک فوج کے شعبہ تعلقات عامہ (آئی ایس پی آر) کے حوالے سے بتایا ہے کہ چیئرمین جوائنٹ چیفس آف اسٹاف کمیٹی جنرل ندیم رضا کی چین کے وزیر دفاع سے بات چیت دورہ ماسکو میں ہوئی ہے۔

چیئرمین جوائنٹ چیفس آف اسٹاف کمیٹی جنرل ندیم رضا اس وقت ماسکو کے دورے پر ہیں جہاں گزشتہ روز ان کی روس کے چیف آف جنرل اسٹاف سے ملاقات ہوئی تھی۔

ملاقات میں خطے کی سیکیورٹی صورتحال پرتبادلہ خیال کیا گیا تھا۔ ملاقات میں دونوں ممالک کی افواج کے درمیان تعاون پربھی گفتگو ہوئی تھی۔

 

آئی ایس پی آر کے مطابق روس کے جنرل نے پاک فوج کی پیشہ وارانہ صلاحیتوں کوسراہا تھا۔ روسی جنرل نے دہشت گردی کے خلاف جنگ میں پاک فوج کی قربانیوں کو بھی سراہا تھا۔

13 مئی کو ماسکو میں پریس کانفرنس سے خطاب کرتے ہوئے روس کے وزیر خارجہ سرگئی لاوروف نے کہا تھا کہ افغانستان کی سلامتی اور ترقی کا راستہ پاکستان سمیت خطے کی دیگر ریاستوں کی شراکت کے بغیر ناممکن ہے۔

 

شنگھائی تعاون تنظیم (ایس سی او) کے وزرائے خارجہ کے اجلاس کے بعد منعقدہ ایک پریس کانفرنس سے خطاب میں ان کا کہنا تھا کہ افغانستان میں قیام امن کے لیے پاکستان سمیت خطے کے دیگر ممالک کا تعاون ازحد ضروری ہے۔

Leave A Reply

Your email address will not be published.