Daily Mashriq Quetta Urdu news, Latest Videos Urdu News Pakistan updates, Urdu, blogs, weather Balochistan News, technology news, business news

پی ایس ایل 6 کے بقیہ میچز پاکستان میں کرانے کے امکانات ختم

0

Get real time updates directly on you device, subscribe now.

پاکستان سپر لیگ 6 کے بقیہ میچز پاکستان میں کرانے کے تمام امکانات ختم ہوگئے ہیں۔

اطلاعات کے مطابق پاکستان کرکٹ بورڈ (پی سی بی) کے شعبہ لاجسٹک نے کراچی میں ہوٹلز کی بکنگ بھی کینسل کرادی ہے اور اب لیگ کے میچز یو اے ای میں ہی کرانے پر توجہ مرکوز کردی ہے۔

پاکستان  کرکٹ بورڈ نے پاکستان سپرلیگ کے میچز   یو اے ای میں کرانے کے لیے امارات کرکٹ حکام کو خط لکھ دیا۔ ذرائع کے مطابق  پی ایس ایل فرنچائزز او ر پی سی بی حکام کے ویڈیو لنک اجلاس میں لیگ کے مستقبل پر تبادلہ خیال کیا گیا۔

پی سی بی حکام نے لیگ کے انتظامات پر فرنچائزز کو بریفنگ دیتے ہوئے واضح کیا کہ لیگ کے لیے یواے کرکٹ بورڈ سے میچز کے انتظامات اور حکومتی منظوری پر بات کی گئی ہے۔ لاجسٹک ایشوز پر تبادلہ خیال کے بعد یو اے کرکٹ بورڈ جلد پی سی بی کو جواب دے گا۔

یو اے ای کرکٹ بورڈ کے جواب آنے پر پی ایس ایل کے مستقبل کا حتمی تعین ہوگا۔ گزشتہ ہفتے فرنچائزز نے مشترکہ خط میں پی سی بی سے میچز کراچی کے بجائے یو اے ای کرانے کا مطالبہ کیا تھا۔ اجلاس میں ٹیم مالکان اور ان کے نمائندوں نے بائیو سکیور ببل کو سوفی صد یقینی بنانے کا بھی مطالبہ کیا جس پر بورڈ حکام نے انہیں تمام حفاظتی انتظامات کی یقین دہانی کرائی۔

Leave A Reply

Your email address will not be published.