Daily Mashriq Quetta Urdu news, Latest Videos Urdu News Pakistan updates, Urdu, blogs, weather Balochistan News, technology news, business news

سینیٹ الیکشن ریفرنس کا فیصلہ جو بھی آیا کھلے دل سے تسلیم کریں گے، شاہ محمودقریشی

0

Get real time updates directly on you device, subscribe now.

وزیر خارجہ شاہ محمود قریشی کا کہنا ہے کہ سینیٹ الیکشن سے متعلق صدارتی ریفرنس کا عدالتی فیصلہ جو بھی ہوگا اسے کھلے دل سے تسلیم کریں گے۔

ملتان میں میڈیا سے بات کرتے ہوئے شاہ محمود قریشی نے کہا کہ پورا پاکستان جانتا ہے سینیٹ انتخابات میں خرید و فروخت ہوتی ہے، پچھلےسینیٹ الیکشن میں بھی ارکان کو خریدنے کے لئے منڈی لگی، سینیٹ میں ارکان کی خریدوفروخت کی منڈی کو بند ہونا چاہیے، ہم سینیٹ الیکشن میں خرید و فروخت روکنا چاہتے ہیں، بدقسمتی سے اپوزیشن نے ایسا نہیں ہونے دیا، پیپلز پارٹی اور (ن) لیگ لوگوں کے ضمیر خریدنا چاہتی ہے، وہ پیپلز پارٹی اور (ن) لیگ سے پوچھتے ہیں کہ انہوں نے میثاق جمہوریت میں اوپن بیلٹ کے لئے دستخط کیے تو پھر آج کیوں فرار چاہتےہیں؟

شاہ محمود قریشی نے کہا کہ سینیٹ الیکشن کے حوالے سے آرڈیننس کسی کو نوازنے کے لئےنہیں ہے بلکہ شفافیت کے لئے لائے ہیں ، عدالتی فیصلہ جو بھی ہوگا کھلے دل سے تسلیم کریں گے۔ مہنگائی قانون سازی سے کم نہیں ہوتی، اپوزیشن ملک میں افراتفری نہ پھیلائے، قانون ہاتھ میں نہ لے

لاپتہ کوہ پیماؤں کے حوالے سے وزیر خارجہ نے کہا کہ کےٹو سر کرنے کے بعد واپسی پر کوہ پیماؤں سے رابطہ منقطع ہوا، سردموسم میں بھی کوہ پیماؤں کی تلاش میں ہماری فوج میدان میں ہے، خدا کرے کہ کوہ پیما خیریت سے ہوں، دعا کریں کہ اس حوالے سے کوئی خیر کی خبر آئے۔

Leave A Reply

Your email address will not be published.