Daily Mashriq Quetta Urdu news, Latest Videos Urdu News Pakistan updates, Urdu, blogs, weather Balochistan News, technology news, business news

آرمی چیف کا ہاکی اولمپیئن عبدالرشید جونیئر کی وفات پر گہرے دکھ کا اظہار

0

Get real time updates directly on you device, subscribe now.

 آرمی چیف جنرل قمر جاوید باجوہ نے ہاکی کے عظیم کھلاڑی اور اولمپیئن عبدالرشید جونیئر کی وفات پر گہرے دکھ اور افسوس کا اظہار کیا ہے۔ ان کا کہنا ہے کہ عبدالرشید جونیئرکی وفات سے پاکستان ایک بڑے کھلاڑی اورعظیم انسان سے محروم ہو گیا۔

ڈی جی آئی ایس پی آر میجر جنرل بابر افتخار کے مطابق آرمی چیف جنرل قمر جاوید باجوہ نے ہاکی کے سابق کھلاڑی عبدالرشید جونیئر کی وفات پر افسوس کا اظہار کیا۔ انہوں نے مرحوم کے درجات کی بلندی اور لواحقین کے لئے صبر کی دعا کی۔

جنرل قمر جاوید باجوہ کا کہنا ہے کہ عبدالرشید جونیئرکی وفات سے پاکستان ایک بڑے کھلاڑی اورعظیم انسان سے محروم ہو گیا۔ عبدالرشید جونیئر 1972 کے اولمپکس مقابلوں میں چاندی کا تمغہ اور 1976 میں کانسی کا تمغہ جیتنے والی پاکستانی ہاکی ٹیم میں بھی شامل تھے۔ انہوں نے 1968 اور1972 کے اولمپکس مقابلوں میں سب سے زیادہ گول کیے، ریٹائرمنٹ کے وقت عبدالرشید جونیئر 96 گولز کے ساتھ پاکستان کے سب سے زیادہ گول کرنے والے کھلاڑی تھے۔

Leave A Reply

Your email address will not be published.