Daily Mashriq Quetta Urdu news, Latest Videos Urdu News Pakistan updates, Urdu, blogs, weather Balochistan News, technology news, business news

مسلم لیگ(ن) نے بلاول کے نواز شریف سے متعلق بیان کو ذاتی رائے قرار دیدیا

0

Get real time updates directly on you device, subscribe now.

پاکستان مسلم لیگ(ن) کی ترجمان مریم اورنگزیب نے نواز شریف سے متعلق بلاول بھٹو زرداری کے بیان کو ان کی ذاتی رائے قرار دیدیا۔

پاکستان مسلم لیگ(ن) کی ترجمان نے پیپلز پارٹی کے چیئرمین بلاول بھٹو زرداری کے بیان پر ردعمل میں کہا کہ  یہ بلاول بھٹو کی ذاتی رائے ہے، سابق وزیراعظم نواز شریف جو بتا رہے ہیں وہ حقائق پر مبنی حقیقت ہے جس کے گواہ قائد محمد نواز شریف خود اور پاکستان کی عوام ہیں۔

پیپلز پارٹی کے چیئرمین بلاول بھٹو زرداری نے بی بی سی کو انٹرویو میں کہا ہے کہ گوجرنوالہ جلسے میں فوجی قیادت کا نام لینا نواز شریف کا ذاتی فیصلہ تھا اور انتظار ہے کہ وہ کب ثبوت پیش کریں گے، نواز شریف کی تقریر میں فوجی قیادت کا نام سن کر دھچکا لگا۔

ادھر وفاقی وزیراطلاعات شبلی فرازکا کہنا ہے کہ بلاول کو پتا چل گیا ہے ن لیگ انہیں استعمال کررہی ہے اورپیپلزپارٹی ایسے بیانیے کا حصہ نہیں بنے گی جس سے دشمن خوش ہو۔

Leave A Reply

Your email address will not be published.