Daily Mashriq Quetta Urdu news, Latest Videos Urdu News Pakistan updates, Urdu, blogs, weather Balochistan News, technology news, business news

‘معیشت آگے بڑھ رہی ہے، ایم ایل ون کا معاشی سرگرمیوں میں بہت بڑا ہاتھ ہوگا’

0

Get real time updates directly on you device, subscribe now.

وزیراعظم عمران خان نے کہا ہے کہ حکومت سنبھالی تو ملک قرضوں کی دلدل میں پھنسا ہوا تھا، بڑی دیر کے بعد معیشت اب آگے بڑھ رہی ہے، ایم ایل ون کا معاشی سرگرمیوں میں بہت بڑا ہاتھ ہوگا، خواہش ہے پاکستان وہ ملک بنے جسے قرض نہ لینے پڑیں۔

 حسن ابدال میں تقریب سے خطاب کرتے ہوئے وزیراعظم کا کہنا تھا انگریز کے چھوڑے گئے نظام کو وسیع کرنے کے بجائے کم کر دیا گیا، چین میں سفر کا تیز ترین ذریعہ ٹرین ہے، 9 ارب روپے کی سرمایہ کاری پاکستان میں سب سے زیادہ ہے، ایم ایل ون سے کراچی، لاہور کا سفر 7 گھنٹے کا ہوگا، دنیا بھر میں ٹرین سستے اور آرام دہ سفر کا ذریعہ ہے، ایم ایل ون خود انحصاری کی جانب اہم قدم ہوگا۔

عمران خان نے کہا نئے پاکستان میں سب مذہب کے لوگ برابر ہیں، سکھ برادری کا مکہ، مدینہ پاکستان میں ہے، چاہتے ہیں سکھ برادری کی مدد کریں، ریلوے سٹیشن سے سکھ برادری کیلئے آسانیاں پیدا ہوں گی۔ ان کا کہنا تھا چاہتے ہیں پاکستان میں مذہبی سیاحت کو فروغ حاصل ہو، ٹورازم کے شعبہ کی ہر ممکن مدد کریں گے، صرف سیاحت کو فروغ دے دیں تو آئی ایم ایف سے قرض نہ لینا پڑے۔

وفاقی وزیر ریلوے شیخ رشید کا کہنا تھا حسن ابدال ریلوے سٹیشن 127 سال پرانا ہے، 1521 میں بابا گرونانک یہاں تشریف لائے تھے، سکھوں کیلئے بڑے مہمان خانے بنائے گئے ہیں، سکھ برادری کیلئے رہائش کا بڑا مسئلہ تھا۔ انہوں نے کہا مزدوروں کا ٹیکنیکل الاؤنس بڑھا دیا ہے، ڈرائیورز کے الاؤنس میں بھی اضافہ کیا ہے۔

شیخ رشید نے کہا کہ کورونا کے باعث ٹرین آپریشن 5 ماہ بند رہا۔ ان کا کہنا تھا وزیراعظم صاحب ! بعض لوگوں کو آپ کے لاہور جانے پر بھی تکلیف ہوتی ہے، عمران خان ہر چور اور ڈاکو کے خلاف لڑ رہے ہیں، وزیراعظم عمران خان عالمی لیڈر بن کر ابھریں گے۔

قبل ازیں وزیراعظم نے حسن ابدال ریلوے سٹیشن کا افتتاح کیا، عمران خان نے بوگیوں میں جدید سہولتوں کا بھی جائزہ لیا۔ وفاقی وزیر ریلوے شیخ رشید بھی وزیراعظم کے ہمراہ تھے۔

Leave A Reply

Your email address will not be published.