Daily Mashriq Quetta Urdu news, Latest Videos Urdu News Pakistan updates, Urdu, blogs, weather Balochistan News, technology news, business news

دورہ جنوبی افریقہ میں ٹیم بہتر پرفارم کرے گی: اظہر علی پر امید

0

Get real time updates directly on you device, subscribe now.

لاہور  : سابق کپتان اظہر علی نے اس عزم کا اظہار کیا ہے کہ دورہ جنوبی افریقہ میں پاکستانی ٹیم بہتر پرفارم کرے گی۔

نیشنل ہائی پرفارمنس سنٹر میں جاری کیمپ میں قومی ٹیم کے سابق کپتان اظہر علی نے میڈیا سے گفتگو کرتے ہوئے کہا کہ محمد یوسف اور یونس خان کی کوچنگ سے کافی فائدہ ہو رہا ہے، دونوں کے تجربے سے فائدہ اٹھا کر کھیل میں بہتری لانے کا اچھا موقع ہے، کیمپ ہمارے پاس اپنی کوتاہیوں پر کام کرنے کیلئے بہترین موقع ہے۔ اظہر علی نے کہا کہ ڈومیسٹک سطح پر کرکٹ نہیں ہو رہی جس کی وجہ سے یہ کیمپ میں خامیوں کو دور کرنے کا بہترین وقت ہے۔

سابق کپتان کا کہنا تھا کہ بیرون ملک کی کنڈیشنز میں اچھی کارکردگی دکھانا کسی بھی ٹیم کیلئے آسان نہیں ہوتا، سب ٹیموں کو ہی مشکلات کا سامنا کرنا پڑتا ہے، ہوم سیریز میں پاکستان نے جنوبی افریقہ کو ہرایا، اس سے اعتماد میں اضافہ ہوا ہے اب جنوبی افریقہ جاکر بھی بہترین پرفارمنس دینے کی کوشش کریں گے، دوسرے ممالک میں جیتنے کیلئے محنت کی ضرورت ہے جو کھلاڑی ڈومیسٹک کرکٹ میں پرفارم کرے اسے تھوڑ ا موقع دینا چاہیے، جب یہ طے کرلیں کہ ایک کھلاڑی اچھا ہے تو پھر سب کو اسے بیک کرنا چاہیے۔

Leave A Reply

Your email address will not be published.