Daily Mashriq Quetta Urdu news, Latest Videos Urdu News Pakistan updates, Urdu, blogs, weather Balochistan News, technology news, business news

منی لانڈرنگ ریفرنس: شہباز شریف لاہور کی احتساب عدالت میں پیش

0

Get real time updates directly on you device, subscribe now.

لاہور:  شہباز شریف فیملی کے خلاف منی لانڈرنگ ریفرنس میں لیگی صدر کو لاہور کی احتساب عدالت میں پیش کر دیا گیا۔

لاہور کی احتساب عدالت میں شہباز شریف فیملی کے خلاف منی لانڈرنگ ریفرنس کی سماعت ہوئی۔ نصرت شہباز، سلمان شہباز اور رابعہ عمران کے وارنٹ گرفتاری کے حوالے سے رپورٹ عدالت میں جمع کرائی گئی۔

قائد حزب اختلاف شہباز شریف نے عدالت میں بیان دیا کہ میری ایک بہت ضروری شکایت ہے، سارا زمانہ جانتا ہے مجھے کمر کی تکلیف ہے، 25 سال سے کمر کی درد میں مبتلا ہوں، نماز پڑھنے کیلئے کرسی کا رخ تبدیل کرتا ہوں، یکم اور 2 اکتوبر کو میری مدد کرنے سے انکار کر دیا گیا۔

شہباز شریف کا کہنا تھا پہلے کھانا میز لیکن اب زمین پر رکھ دیتے ہیں، جان بوجھ کر ایسا کیا جاتا ہے تا کہ مجھے جھکنا پڑے، شکایت ڈی جی نیب کو بھجوائی ہے، یہ عمران خان اور شہزاد اکبر کی ایما پر ہوا، مجھے کچھ ہوا تو ایف آئی آر عمران خان اور شہزاد اکبر کیخلاف درج کراؤں گا۔

عدالت نے کہا آپ نے اپنی شکایت مجھے بتا دی ہے، جب تک عدالتی تحویل میں ہیں، احکامات میرے چلیں گے، دوران تحویل کوئی غیر انسانی سلوک برداشت نہیں کروں گا۔

Leave A Reply

Your email address will not be published.