Daily Mashriq Quetta Urdu news, Latest Videos Urdu News Pakistan updates, Urdu, blogs, weather Balochistan News, technology news, business news

اسلام کیلئے شوبز چھوڑنے والی صنم چوہدری کا عید پیغام

0

Get real time updates directly on you device, subscribe now.

دینِ اسلام کی خاطر شوبز انڈسٹری کو خیرباد کہنے والی سابقہ اداکارہ صنم چوہدری نے عیدالفطر پر اُمتِ مسلمہ کے لیے خصوصی پیغام جاری کردیا۔

صنم چوہدری نے اپنے انسٹاگرام اکاؤنٹ پر جاری کیے گئے ویڈیو پیغام میں کہا کہ عید کا دن خوشیوں بھرا اور سب کے جمع ہونے کا دن ہوتا ہے، اگر یہ رمضان میں نے اور آپ نے اپنے ایمان کے ساتھ اپنا احتساب کرتے ہوئے اور تقویٰ کرتے ہوئے گزارا تو ہی ہم عید کو اس کی اصل روح کے مطابق منا پائیں گے۔

اداکارہ نے کہا ہم نے ماہِ رمضان کے پورے روزے رکھے، اللّٰہ کے لیے سب کو معاف کیا، درگزر کیا، احسان کیا، غریبوں کو کھانا کھلایا، ہم نے اپنے گناہوں کی سچے دل سے توبہ کی، تو یہ عید کا دن اللّٰہ تعالیٰ کا ہم سب پر انعام ہے۔

اُنہوں نے اپنے تمام فالوورز سے مخاطب ہوتے ہوئے سوال کیا کہ آپ اس عید  پر کیا مانگیں گے؟ ہدایت مانگیں گے، شفا مانگیں گے یا اپنے ملک پاکستان کی ترقی اور سلامتی مانگیں گے۔

اپنے ویڈیو پیغام میں صنم چوہدری نے مزید کہا کہ میں اللّٰہ تعالیٰ سے دعا کرتی ہوں کہ اس رمضان کے مہینے میں جو میں نے عزم کیا ہے، اللّٰہ تعالیٰ مجھے اس پہ ثابت قدمی دے، آمین۔

آخر میں اُنہوں نے اپنے تمام چاہنے والوں کو دلی عید مبارک دی۔

واضح رہے کہ گزشتہ برس صنم چوہدری نے اسلام کی خاطر شوبز چھوڑنے کا اعلان کیا تھا۔

Get real time updates directly on you device, subscribe now.

You might also like
Leave A Reply

Your email address will not be published.