Daily Mashriq Quetta Urdu news, Latest Videos Urdu News Pakistan updates, Urdu, blogs, weather Balochistan News, technology news, business news

اقوام متحدہ ہمارا نقشہ تسلیم کرلے تو مسئلہ حل ہوجائے گا: صدر مملکت عارف علوی

0

Get real time updates directly on you device, subscribe now.

اسلام آباد:  صدر مملکت ڈاکٹر عارف علوی نے کہا ہے کہ اقوام متحدہ نے مسئلہ کشمیر پر اپنا کردار ادا نہیں کیا جس سے مایوسی ہوئی، اقوام متحدہ ہمارا نقشہ تسلیم کرلے تو مسئلہ حل ہو جائے گا۔

صدر مملکت کا کہنا تھا کہ بھارتی مظالم سے دنیا کو آگاہ کر رہے ہیں۔ بھارت میں نفرتیں بڑھ رہی ہیں۔ وہاں کی حکومت اپنی تاریخ خود مسخ کر رہی ہے۔

ڈاکٹر عارف علوی کا کہنا تھا کہ کشمیر میں خواتین پر ظلم کیا گیا۔ بھارت نے نازی قسم کی سیاست اور پیلٹ گن کا استعمال اسرائیل سے سیکھا۔ بھارت کشمیر میں مظالم بڑھا رہا ہے۔ مودی حکومت نے حالات خراب کیے لیکن وہ اپنے عزائم میں کامیاب نہیں ہوگی۔

صدر مملکت نے کہا کہ اقوام متحدہ کا ادارہ 1945ء میں بنا جہاں بھارت خود کشمیر کا معاملہ لے کر گیا تھا۔ اگر مقبوضہ کشمیر میں سب کچھ ٹھیک ہے تو بھارت عالمی میڈیا کو اجازت کیوں نہیں دیتا؟

ان کا کہنا تھا کہ کشمیر مسئلے پر ہم سب اکٹھے ہیں۔ کشمیر مسئلے پر ہم سب نے اپنا اپنا رول ادا کرنا ہے۔ بدھ کے روز سینیٹ میں مجھے دعوت دی گئی ہے۔ کسی صدر کو سینیٹ کی دعوت پہلا موقع ہے۔

انہوں نے  کہا کہ بھارتی غیر قانونی اقدام پر چین نے واضح موقف اختیار کیا جبکہ ترکی، چین اور ملائیشیا نے بھی پاکستان کو کشمیرمعاملے پر سپورٹ کیا۔

صدر کا کہنا تھا کہ سوشل میڈیا تیز ترین فورم ہے۔ وزیراعظم عمران خان سے کہا ہے کہ کشمیر کاز کو سوشل میڈیا پر زیادہ اجاگر کیا جائے۔

Leave A Reply

Your email address will not be published.