Daily Mashriq Quetta Urdu news, Latest Videos Urdu News Pakistan updates, Urdu, blogs, weather Balochistan News, technology news, business news

عثمان بزدار کا فردوس مارکیٹ انڈر پاس کا دورہ، منصوبے کی تکمیل میں تاخیر پر برہم

0

Get real time updates directly on you device, subscribe now.

لاہور:   وزیراعلیٰ نے فردوس مارکیٹ انڈر پاس منصوبے کا رات گئے بغیر پروٹوکول دورہ کیا اور منصوبے کی تکمیل میں تاخیر پر برہمی کا اظہار کیا۔ عثمان بزدار نے چیف انجینئر کو عہدے سے ہٹا دیا جبکہ ڈی جی اور ایڈیشنل ڈی جی ایل ڈی اے کو شوکاز نوٹس جاری کر دیا۔

وزیراعلیٰ پنجاب نے منصوبے کی تکمیل کی حتمی ڈیڈ لائن مانگ لی۔ عثمان بزدار نے سائٹ پر تعمیراتی کام کا معائنہ کیا اور کہا کہ بہت برداشت کر لیا، اب کوتاہی اور سستی قطعا قبول نہیں، کوئی لمحہ ضائع کئے بغیر انڈر پاس کو جلد از جلد مکمل کیا جائے، منصوبے کی تعمیر میں تاخیر سے شہریوں کی تکالیف کا احساس ہے۔

عثمان بزدار کو دیکھ کر قریبی مارکیٹ کے دکاندار اور تاجر آگئے۔ ایل ڈی اے اور واسا کے خلاف شکایات کے انبار لگا دیئے۔ وزیراعلیٰ پنجاب نے اتھارٹیز کے حکام کے رویئے پر سخت ناراضی کا اظہار کیا اور کہا ایل ڈی اے اور واسا حکام کو اپنی ذمہ داریوں کا احساس نہیں، ہر کام وزیراعلیٰ خود آ کر دیکھے۔

Leave A Reply

Your email address will not be published.