Daily Mashriq Quetta Urdu news, Latest Videos Urdu News Pakistan updates, Urdu, blogs, weather Balochistan News, technology news, business news

اسلام آباد: گلگت بلتستان کے عوام کا مظاہرہ، عبوری آئینی حیثیت دینے کا مطالبہ

0

Get real time updates directly on you device, subscribe now.

اسلام آباد:   گلگت بلتستان کے عوام نے اسلام آباد نیشنل پریس کلب کے سامنے مظاہرہ کیا اور گلگت کو عبوری آئینی حیثیت دینے کا مطالبہ کیا، جس میں گلگت بلتستان کے نگراں وزراء نے بھی شرکت کی۔

مظاہرے میں بڑی تعداد میں گلگت بلتستان کے عوام اور سول سوسائٹی کے نمائندوں نے شرکت کی، مظاہرین نے گلگت بلتستان کو آئینی صوبہ کے حکومتی فیصلے کے حق میں نعرے بازی کی، شرکاء نے پانچواں صوبہ گلگت بلتستان اور پاک فوج زندہ باد کے نعرے بھی لگائے جبکہ مودی اور ہندوستان کے خلاف شدید نعرے بازی کی گئی۔

اس موقع پر مظاہرین کا کہنا تھا آئینی صوبہ گلگت بلتستان کے لوگوں کا حق ہے، آئینی صوبہ کے حق میں کسی قسم کی رکاوٹ برداشت نہیں کرینگے، صوبہ بنانے کے اعلان پر گلگت بلتستان کے عوام وفاقی حکومت و پاک فوج کے شکر گزار ہیں، گلگت بلتستان کو صوبہ بنانے سے کشمیر کاز کو کوئی نقصان نہیں پہنچے گا۔

Leave A Reply

Your email address will not be published.