Daily Mashriq Quetta Urdu news, Latest Videos Urdu News Pakistan updates, Urdu, blogs, weather Balochistan News, technology news, business news

حکومت نے ہر شعبے میں نااہلی اور ناکامیاں چھپانے کیلئے میڈیا کا گلا دبا رکھا ہے: بلاول

0

Get real time updates directly on you device, subscribe now.

کراچی : چیئرمین پیپلزپارٹی بلاول بھٹو زرداری نے آزادیِ صحافت کے عالمی دن پر پیغام میں کہا کہ عمران خان حکومت نے ہر شعبے میں اپنی نااہلی اور ناکامیوں کو چھپانے کی خاطر میڈیا کا گلا دبایا ہوا ہے۔ میڈیا پر عائد اعلانیہ و غیر اعلانیہ پابندیاں ختم کی جائیں۔

اپنے ایک بیان میں بلاول بھٹو زرداری نے کہا کہ پی ٹی آئی حکومت نے آزادیِ صحافت کو پابندِ سلاسل کیا ہوا ہے۔ پاکستان میں آزاد میڈیا کو دبانا، قوم کو شدید نقصان پہنچانا ہے۔ متعدد غیرجانبدار صحافیوں اور اینکرپرسن کو زبردستی ٹی وی اسکرینز سے ہٹایا گیا ہے۔ اب وہ صحافی اپنے غیرجانبدارانہ تجزیوں اور تبصروں کا اظہار سوشل میڈیا پر کرتے ہیں۔ شہید محترمہ بینظیر بھٹو نے اپنے دورِ حکومت میں کالے قوانین کا خاتمہ کیا جو ضیاء الحق نے صحافت پر لاگو کیے تھے۔

بلاول بھٹو نے کہا پاکستان میں آزاد میڈیا کو دبانا، قوم کو شدید نقصان پہنچانا ہے۔ یہ عمل عوام کے جائز غصے اور مایوسی کے شعلوں پر مزید تیل چھڑکے گا۔ پاکستان پیپلز پارٹی آزاد میڈیا پر پابندیوں کے خلاف جدوجہد جاری رکھے گی۔

Leave A Reply

Your email address will not be published.