Daily Mashriq Quetta Urdu news, Latest Videos Urdu News Pakistan updates, Urdu, blogs, weather Balochistan News, technology news, business news

سائبیریا میں 20 سے 50 ہزار سال پرانے نایاب برفانی گینڈے کی محفوظ لاش برآمد

0

Get real time updates directly on you device, subscribe now.

سائنس دانوں نے دعویٰ کیا ہے کہ مشرقی سائبیریا میں مقامی لوگوں کو 20 سے 50  ہزار سال پرانے برفانی گینڈے کی لاش ملی ہے جو مکمل طور پر محفوظ ہے۔

عالمی خبر رساں ادارے کے مطابق سائبیریا کے شمال مشرقی علاقے میں برف کا میدان موسمی تغیرات کے نتیجے میں پگھل گیا اور اس میں سے اون سے ڈھکے ایک برفانی گینڈے کی لاش نمودار ہوئی۔

حیران کن طور پر اس برفانی گینڈے کے بیشتر اندرونی اعضا اب بھی محفوظ ہیں۔ اپنی محفوظ ترین حالت میں ہونے کی وجہ سے اس گینڈے کو خطے سے ملنے والی کسی جانور کی سب سے محفوظ ترین لاش قرار دیا جارہا ہے۔

برفانی گینڈے کی باقیات کو یکسوسک شہر لے جایا جائے گا جہاں ریڈیو کاربن تجزیے کے ذریعے سائنس دان باقیات کے نمونوں کا مطالعہ کریں گے۔ ابتدائی طور پر مقامی سائنس دانوں کا خیال ہے کہ یہ گینڈا 20 سے 50 ہزار سال پہلے یہاں رہا ہوگا۔

ابتدائی طور پر گینڈے کی باقیات کا جائزہ لینے والی سائنسدان ویلری پلوٹنیکو کا مزید کہنا  تھا  کہ مرنے کے وقت گینڈے کی عمر 3 سے 4 برس کے لگ بھگ تھی اور اس کی موت ممکنہ طور پر ڈوبنے کی وجہ سے ہوئی تھی۔

سب سے عجیب بات یہ ہے کہ ہزاروں سال گزر جانے کے باجود اس گینڈے کے ناک پر چھوٹی سی سینگ بھی محفوظ ہے جو عام حالت میں سب سے جلدی گل سڑ جاتی ہے۔

Leave A Reply

Your email address will not be published.