Daily Mashriq Quetta Urdu news, Latest Videos Urdu News Pakistan updates, Urdu, blogs, weather Balochistan News, technology news, business news

ایف اے ٹی ایف قوانین ہر صورت منظور کروائیں گے، وزیراعظم

0

Get real time updates directly on you device, subscribe now.

اسلام آباد: وزیراعظم عمران خان نے کہا ہے کہ منی لانڈرنگ اور دہشتگردی کی مالی اعانت روکنے کے لیے بنائے گئے بین الاقوامی ادارے فنانشل ایکشن ٹاسک فورس (ایف اے ٹی ایف) سے متعلق قوانین پارلیمنٹ سے ہر صورت منظور کروائیں گے۔

اس حوالے سے مشیر پارلیمانی امور بابر اعوان  نے وزیراعظم کو ایف اے ٹی ایف سے متعلق قانون سازی اور پارلیمانی معاملات سے متعلق بریفنگ دی۔

وزیراعظم نے پیر سے قومی اسمبلی اور سینیٹ کا اجلاس منعقد کرنے کی ہدایت کر دی۔

بابر اعوان نے وزیراعظم کو مختلف وزارتوں کے زیر التوا بلز پر بھی بریفنگ دی۔

وزیراعظم نے کہا کہ ملکی سلامتی اور عوامی مفاد کی قانون سازی میں تاخیر نہیں ہونی چاہیے۔ عام آدمی کو ریلیف فراہم کرنے کے ہر ممکن اقدامات کیے جا رہے ہیں۔مکمل توجہ معاشی اور سماجی حالات کی بہتری پر مرکوز کر رکھی ہے۔

بابر اعوان نے وزیراعظم کو بتایا کہ عوامی ریلیف کے لیے کیے گئے حکومتی اقدامات کے مثبت نتائج مل رہے ہیں۔ پیٹرولیم مصنوعات کی قیمتوں میں اضافہ نہ کر کے عوام کو ریلیف دیا گیا۔

خیال رہے کہ  ایف اے ٹی ایف نے پاکستان کو ایکشن پلان پر عمل درآمد رپورٹ جمع کرانے کے لیے 20 اگست تک مہلت دی تھی۔

ذرائع کے مطابق ایشیا پیسیفک گروپ کی مئی جبکہ ایف اے ٹی ایف کا جون میں اجلاس میں ہونا تھا تاہم کورونا کے سبب اجلاس ستمبر تک ملتوی کردیا گیا تھا۔

Leave A Reply

Your email address will not be published.