Daily Mashriq Quetta Urdu news, Latest Videos Urdu News Pakistan updates, Urdu, blogs, weather Balochistan News, technology news, business news

بھارت کی پلوامہ ڈرامے کی آڑ میں پاکستان کےخلاف سازش بے نقاب

0

Get real time updates directly on you device, subscribe now.

اسلام آباد: بھارت کی پلوامہ ڈرامے کی آڑ میں پاکستان کےخلاف سازش بے نقاب ہو گئی ہے۔

بھارت نے پلوامہ حملے میں مبینہ طور پر ملوث محمد عمر فاروق کا تعلق پاکستان سے جوڑنے کی کوشش کی اور بھارتی  میڈیا نے عمر فاروق کے پاکستانی شناختی کارڈ اور بینک اکاؤنٹس سامنے لانے کا جھوٹا دعویٰ بھی کیا۔

 

بھارتی میڈیا نے الزام عائد کیا کہ عمر فاروق کے پاکستان میں 2 بینک اکاؤنٹس، 2 چیک اور شناختی کارڈ ہیں، بھارتی میڈیا نے ایک چیک پشاور اور دوسرا خیبر ایجنسی کا ظاہر کرنے کی بے بنیاد کوشش بھی کی۔

ہندوستانی میڈیا نے پاکستان سے 10 لاکھ 43 ہزار روپے منی لانڈرنگ کا الزام بھی عائد کر دیا۔

بھارتی میڈیا کے بتائے گئے اکاؤنٹس، شناختی کارڈ اور دیگر ریکارڈ جعلی ثابت ہو گیا۔ بینکوں نے اکاؤنٹس میں غلط نام، شناختی کارڈ نمبر، ولدیت اور تاریخ پیدائش کی نشاندہی کر دی ہے۔

بھارتی میڈیا نے عمر فاروق کو مردہ قرار دیا مگر پاکستان میں عمر فاروق زندہ نکلا۔

پاکستان میں بینک نمائندے  نے عمر فاروق سے فون پر رابطہ کیا اور ان سے بات چیت بھی کی۔

 

بھارتی میڈیا نےعمر فاروق کے اپریل 2018 میں جموں میں داخلے کا دعویٰ بھی کیا تھا جو کہ غلط ثابت ہو چکا ہے، جبکہ بھارتی میڈیا کی جانب سے دکھایا گیا چیک اگست 2018 کا نکلا ہے۔

خیال رہے کہ فروری 2019 میں مقبوضہ کشمیر میں بھارتی فوجیوں کو لے جانے والی دوبسوں کو نشانہ بنایا گیا تھا جس کے نیتجے میں 44 بھارتی فوجی ہلاک ہوگئے تھے۔

Leave A Reply

Your email address will not be published.