Daily Mashriq Quetta Urdu news, Latest Videos Urdu News Pakistan updates, Urdu, blogs, weather Balochistan News, technology news, business news

وطن اور خطے کو غیر مستحکم کرنے کے دشمن کے ناپاک عزائم سے واقف ہیں، آرمی چیف

0

Get real time updates directly on you device, subscribe now.

راولپنڈی: آرمی چیف جنرل قمر جاوید باجوہ کا کہنا ہے کہ وطن اور خطے کو غیر مستحکم کرنے کے دشمن کے ناپاک عزائم سے واقف ہیں۔

پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ نے کھوئی رٹہ سیکٹر کا دورہ کیا اور اگلے مورچوں پر تعینات افسروں اور جوانوں کے ساتھ عید گزاری، آرمی چیف نے فوجیوں کے مورال، پیشہ وارانہ تیاریوں پر ان کی تعریف بھی کی۔

آئی ایس پی آر کے مطابق آرمی چیف نے کہا کہ عیدالاضحیٰ قربانی کے عظیم فلسفے پر روشنی ڈالتی ہے اور غیرمشروط قربانی کا درس دیتی ہے، ایک سپاہی سے زیادہ قربانی کے سبق کو کوئی نہیں سمجھ سکتا۔

آرمی چیف جنرل قمر جاوید باجوہ نے کہا کہ اپنے وطن اور خطے کو غیر مستحکم کرنے کے دشمن کے ناپاک عزائم سے واقف ہیں تاہم پاک فوج مکمل طور پر تیار ہے، کسی بھی جارحیت کا منہ توڑ جواب دینے کی صلاحیت موجود ہے۔

آرمی چیف جنرل قمر باجوہ نے کہا کہ آئیے بھارتی مظالم کے تناظر میں کشمیریوں کا ہمیشہ ساتھ دینے کےعہد کی تجدید کریں، کشمیری جرات اور بہادری سے بھارتی ظلم و بربریت کا سامنا کررہے ہیں،کشمیری تمام تر رکاوٹوں کے باجود اپنے حق کے خودارادیت کے حصول کے لیے کوشاں ہیں۔

Leave A Reply

Your email address will not be published.