Daily Mashriq Quetta Urdu news, Latest Videos Urdu News Pakistan updates, Urdu, blogs, weather Balochistan News, technology news, business news

بالی ووڈ ٹریجڈی کوئین مینا کماری کی 88ویں سالگرہ

0

Get real time updates directly on you device, subscribe now.

بھارتی سینما اسکرین پر طویل عرصے تک راج کرنے والی ٹریجڈی کوئین اور ساحرہ اداکارہ مینا کماری کے چاہنے والے آج اُن کی 88ویں سالگرہ منارہے ہیں۔

اپنی لازوال اداکاری سے لاکھوں کروڑوں دِلوں پر راج کرنے والی مینا کماری یکم اگست 1932کو ممبئی میں پیدا ہوئیں، جن کا حقیقی نام ’ماہ جبین بانو‘ تھا تاہم فلم انڈسٹری میں انہیں مینا کماری کے نام سے شہرت حاصل ہوئی۔

نہایت کم عمری میں فلمی دنیا میں قدم رکھنے والی مینا کماری طویل عرصے تک ہندوستانی سنیما پر چھائی رہیں اور اپنے 33 سالہ فنی کیریئر میں 90 سے زائد فلموں میں کام کیا جن میں پری نیت، کاجل، پھول اور پتھر، دل ایک مندر، آرتی، پاکیزہ اور صاحب بی بی اور غلام جیسی مشہور فلمیں شامل ہیں۔

بالی ووڈ ٹریجڈی کوئین مینا کماری کی 88ویں سالگرہ

مینا کماری نے 60 کی دہائی میں مشہور شاعر کمال امروہی سے شادی کی تاہم یہ شادی زیادہ عرصے تک نہ چل سکی۔

مینا کماری کو یہ اعزاز بھی حاصل ہے کہ وہ بالی ووڈ کی پہلی ہیروئن ہیں جن کو پہلا فلم فیئر ایوارڈ 1952 کی ہٹ فلم ’بیجو باورا‘ پر ملا۔

فروری 1972 میں فلم پاکیزہ کی ریلیز کے دو ماہ بعد ہی مینا کماری جگر کے عارضے میں مبتلا ہو گئیں اور 31 مارچ 1972 کو اپنے مداحوں کو سوگوار چھوڑ کر اس دنیا سے رخصت ہو گئیں۔

مینا کماری اپنی باکمال اور بے مثال اداکاری کی وجہ سے آج بھی اپنے مداحوں کے دلوں میں زندہ ہیں۔

Leave A Reply

Your email address will not be published.